Bakı Şəhər Gənclər və İdman Baş İdarəsi, Nərimanov Rayon İcra Hakimiyyəti və Bakı Avrasiya Universitetinin birgə təşkilatçılığı ilə Ümummilli Lider Heydər Əliyevin 91-ci ildönümünə həsr olunan dəyirmi masa keçirilmişdir. İdarənin mətbua xidmətindən SİA-ya verilən xəbərə görə, tədbirdə universitetin prorektoru Pünhan Hüseynli, BŞGİBİ-nin rəisi Raqif Abbasov, AzDBTİA-nın prorektoru Yusif Babanlı, NRGİİ-nin rəisi Nəcəf Novruzov, ali təhsil müəssisələri TGT-nın sədrləri və Avrasiya Universitetinin fəal tələbələri iştirak edib.
Tədbiri giriş sözü ilə açan universitetin prorektoru P. Hüseynli və Nərimanov RGİİ-nın rəisi N.Novruzov Umummilli Lider Heydər Əliyevin ildönümünə həsr olunmuş silsilə tədbirlər haqqında geniş məlumat veriblər.
Daha sonra BŞGİBİ-nin rəisi Raqif Abbasov "Heydər Əliyev və Azərbaycanda gənclər siyasəti" mövzusunda çıxış edib, Ümummilli Lider Heydər Əliyevin həyat və yaradıcılığndan danışıb. R.Abbasov bildirib ki, Ümummilli Lider Heydər Əliyev gənclərin problemləri ilə daim maraqlanıb, onların sağlam və hərtərəfli inkişafı üçün dövlət səviyyəsində tədbirlərin görülməsi ilə bağlı bir çox fərman və sərəncamlar imzalayıb. Azərbaycanda gənclər siyasətinin formalaşdırılmasının Ulu Öndər Heydər Əliyevin adı ilə sıx bağlı olduğunu diqqətə çatdıran BŞGİBİ-nin rəisi Raqif Abbasov vurğulayıb ki, bu siyasət sahəsində normativ hüquqi aktlar, habelə gənclərin forumlarının keçirilməsi, fevralın 2-nin Azərbaycan Gəncləri Günü elan edilməsi bu istiqamətdə atılan mühüm addımlardır. Hazırda ölkəmizdə dövlət gənclər siyasəti Prezident İlham Əliyev tərəfindən uğurla davam etdirilir. Dövlət müstəqilliyimizin layiqincə qorunub saxlanılmasında mühüm xidmətləri olan gənclərin sosial problemləri həll olunur.
Çıxışlardan sonra tədbirdə iştirak edən tələbələrin sualları cavablandırılıb və təhsil və ictimai işlərdə fərqlənən bir qrup tələbəyə Fəxri Fərman təqdim edilib.
Bütün xəbərlər Facebook səhifəmizdə
USD
EUR
GBP
RUB