"Moskovski Komsomolets"in internet səhifəsində "Azərbaycan dini tolerantlıq məskənidir" sərlövhəli geniş məqalə yerləşdirilib. SİA-nın xəbərinə görə, məqalədə deyilir ki, indi Rusiyada keçmiş sovet respublikası və onun paytaxtı haqqında təsəvvürü olan azdır. Nəşrdə vurğulanır ki, neft, qara kürü və Müslüm Maqomayev – "Bakı" dedikdə, sovet vaxtlarından bəri ağla gələn məhz bunlardır: "Bir də hamı bilirdi ki, "Brilyant əl" filminin "İstanbul epizodları" məhz burada çəkilib. Bütün turistlər hələ də burada, Kozodoyevin "Lənət şeytana" deyib yıxıldığı yerdə şəkil çəkdirirlər".
Məqalədə həmçinin qeyd olunur: "İndi isə
Azərbaycanda neftdən çox tikinti sahəsində canlanma vardır. Son 15 ildə
tikinti sektoru 41 dəfə yüksəlib. Bakıda
yüzlərlə yeni yaşayış binası və mehmanxana tikilir. Mərkəzdə alov dilinə bənzər
üç göydələn ucaldılır, onlar belə də adlanır: The Flame. Şəhər arxitektura
cəhətdən Parisi çox xatırladır: evlər baron Osman üslubundadır. Açıq qəhvəyi,
ağ, bəzən də çəhrayı əhənglə rənglənmiş binalar, oyma naxışlı eyvanlar, kölgəli
dar küçələr. Hər tin başı kafe, Eyfel qülləsinə bənzəyən, şəhərin baş
dominantası sayılan teleqüllə... Abşeron yarımadasının qalan hissəsinin az qala
səhralığı xatırlatdığı bir zamanda şəhəri belə yaşıllaşdırmaq onlara necə nəsib
olub? Bakının ən qədim
hissəsi – İçərişəhər parlaq Şərq koloritini saxlayıb: qədim Karvansaradakı restoranlar, xalça
və suvenir dükanları, qəlyanxanalar, möhtəşəm Şirvanşahlar sarayı və əlbəttə
ki, Bakının vizit kartı sayılan unudulmaz Qız qalası".
Nəşrdə azlıq təşkil edən millətlərin nümayəndələrinə qarşı bu titullu xalqın tolerantlığı məsələsinə toxunularaq göstərilir ki, burada yerli ruslar çoxdur və bir sıra digər keçmiş müttəfiq respublikalardan fərqli olaraq onlar kasıb yaşamırlar. Məqalədə həmçinin qeyd olunur ki, azərbaycanlıların 90 faizindən çoxu müsəlmanlardır, lakin başqa islam ölkələrindən fərqli olaraq burada din insanlara nümayişkaranə şəkildə, zorla qəbul etdirilmir: "Bu baxımdan Azərbaycan tam dünyəvi dövlətdir. Burada qədim zamanlardan şərabçılıqla məşğul olublar. Bu sahə Qorbaçovun alkoqol əleyhinə kampaniyası zamanı az qala məhv olub. Lakin şərabçılıq yenidən dirçəldilərək ölkənin büdcəsinə böyük gəlir gətirən milli qürur mənbəyi olaraq qalır. Məqalədə deyilir ki, yerli əhalinin zərif nümayəndələri isə Avropanın bütün dəbdə olan brendlərini nümayiş etdirir, onları keçmişdəki çadra ilə əvəz etmək istəmir".
Bütün xəbərlər Facebook səhifəmizdə
USD
EUR
GBP
RUB