“Son zamanlarda yol qəzalarının sayında dəhşətli şəkildə artım müşahidə olunur”. Bu fikirləri SİA-ya açıqlamasında nəqliyyat-eksperti Elməddin Muradlı bildirib.
Nəqliyyat-eksperti qeyd edib ki, xüsusilə də bu artım piyada vurmaları ilə bağlıdır: “Təbii ki, bu bizi narahat edən hallardan biridir. Gündəlik olaraq baş verən yol qəzalarında 3-5 nəfərdən iki nəfər ölürsə onun yarısı piyadalardır. Daxili İşlər Nazirliyinin bugünkü statistikasına baxmışam. Bu son 3 gün ərzində baş verən yol qəzaları ilə bağlıdır. Statistikaya görə, 10 nəfər yol qəzası nəticəsində həyatını itirib bunların 7-8 nəfəri isə piyada vurmaları nəticəsində baş verib.
Düşünürəm ki, piyadalarla bağlı məsələ ciddi şəkildə nəzərdə saxlanılmalı, eyni zamanda təbliğat işləri görülməlidir. Həmçinin piyadalarla bağlı ciddi qaydalar tətbiq olunmalıdır”.
Bütün xəbərlər Facebook səhifəmizdə
USD
EUR
GBP
RUB
