"Bu, Avropa üçün ekoloji faciəyə səbəb olacaq" - POLİTOLOQ AÇIQLADI

"Rusiyanın müxtəlif rəsmilərinin, o cümlədən Medvedevin nüvə silahının tətbiqi ilə bağlı hədələri ciddiyə alınıb". Bu sözləri SİA-ya açıqlamasında politoloq Fərhad Mehdiyev deyib.

Onun sözlərinə görə, İngiltərənin xüsusi xidmət orqanı Mİ5 artıq Rusiyanın hansı şəhərlərə zərbə endirəcəyinə dair planlarından xəbərdar olduqlarını da bildiriblər: "Rusiya taktiki, yəni xırda çaplı nüvə silahı tətbiq etsə belə, bu, Avropa üçün təmizlənməsi onilliklər sürən bir ekoloji faciəyə səbəb olacaq".

Politoloq sözlərinə belə davam edib: "Radioaktiv tozların olduğu bulud küləyin aparacağı hər istiqamətdə gedəcək və orada torpağı və su hövzələrini də yararsız hala gətirəcək. Bundan Azərbaycan da təsirlənəcək".

Ayşən Vəli

Bütün xəbərlər Facebook səhifəmizdə