YAP Tərtər rayon təşkilatının yaradılmasının 29-cu ildönümü qeyd olunub FOTOLAR

YAP Tərtər rayon təşkilatının yaradılmasının 29- cu ildönümü ilə əlaqədar Gigiyena və Epidemiologiya Mərkəzi ərazi partiya təşkilatında tədbir keçirilmişdir. Tədbirdə çıxış edən rayon təşkilatının sədri Eldar Əsədov əsası Ulu Öndər Heydər Əliyev tərəfindən qoyulan Yeni Azərbaycan Partiyasının yaranma tarixi, keşməkeşli və şərəfli yolundan, partiyanın Azərbaycan dövlətinin yaradılması və dövlətçiliyimizin qorunub saxlanılması və daha da qüdrətlənməsi istiqamətində yürütdüyü siyasətdən bəhs edərək, partiyamızın yerli təşkilatı olan YAP Tərtər rayon təşkilatının yaradılmasının 29 - cu ildönümü münasibətilə tədbir iştirakçılarını təbrik etmişdir. Eldar Əsədov çıxışında YAP-ın VII Qurultayından sonra partiyanın yeni Proqram və Nizamnaməsi tələblərinə uyğun olaraq yerli və ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsində hər bir partiya üzvünün məsuliyyətinin artırılmasının vacibliyindən danışmışdır. Rayon təşkilatının sədri son 19 ildə ölkəmizin siyasi, sosial-iqtisadi və mədəni sahələrdə əldə etdiyi uğurların, dövlətimiz və xalqımız üçün ən böyük zirvə olan 44 günlük Vətən müharibəsində qazanılmış Zəfərin dövlətçilik tariximizdə şanlı yer almasını vurğulamış, postmüharibə dövründə partiyamızın sədri, ölkə Prezidenti cənab İlham Əliyevin yürütdüyü daxili və xarici siyasətin uğurla həyata keçirilməsi nəticəsində ölkəmizin dünyada söz sahibinə çevrilməsinə, iqtisadiyyatımızın sürətli inkişafının təmin edilməsinə, insanlarımızın təhlükəsizliyinin və rifah halının yüksək səviyyəyə çatdırılmasına nail olduğumuzu göstərdi. O, qeyd etmişdir ki, əldə olunan uğurlarda YAP-ın fəaliyyəti danılmazdır. Çünki sıralarında 760 mindən çox fəal, dövlətə və dövlətçiliyə sadiq insanları öz ətrafında birləşdirən Yeni Azərbaycan Partiyası "dünənin, bu günün və gələcəyin" partiyası adını ləyaqətlə doğruldaraq ölkəmizin ictimai- siyasi müstəvisində öz nüfuzunu durmadan artırmaqdadır. Odur ki, hər bir partiya üzvü partiyamızın yürütdüyü siyasət, ölkəmizdə əldə onun nailiyyətlər, Möhtərəm Prezident cənab İlham Əliyevin Fərman və Sərəncamlarının, nitqlərinin əhali arasında geniş təbliğ olunmasında insanlarımızın baş verənlər haqda maarifləndirilməsində daha fəal olmalıdırlar.

Eldar Əsədov partiya üzvlərinə Yeni Azərbaycan Partiyasının Sədri, ölkə Prezidenti cənab İlham Əliyevin yürütdüyü daxili və xarici siyasətin, çıxış və nitqlərindən irəli gələn vəzifələrin, verdiyi Fərman və Sərəncamların əhali arasında geniş təbliği və izahı istiqamətində görüləcək işlər barədə konkret tapşırıq və tövsiyyələrini verdi. Tədbirdə çıxış edən ərazi partiya təşkilatının sədri İntiqam Mustafayev, partiya üzvlərindən Gültəkin Hüseynova, Nərmin Müseyibli, Nəsibə Tahirova və Faiq Mürsəlov çıxış edərək Yeni Azərbaycan Partiyasının müasir Azərbaycan dövlətinin siyasi və iqtisadi həyatındakı müsbət rolundan və çağdaş tariximizin yaradılmasındakı səmərəli fəaliyyətindən bəhs edib, rayonumuzda YAP rayon təşkilatının fəaliyyətinin yüksək səviyyədə dəyərləndirilidiyini bildirib, partiya üzvlərinin bundan sonra da, YAP-ın Proqram və Nizamnamə tələblərinə ciddi əməl etmələrini əsas vəzifə kimi qəbul etdiklərini vurğuladılar.

Rəfiqə

Bütün xəbərlər Facebook səhifəmizdə

loading...