Paşinyanın şəxsi baş prokuroru... - BÖYÜK SUAL

Bu gün Ermənistanda istər siyasi, istərsə də ictimai məkanda baş nazir Nikol Paşinyanın daxili siyasətindən narazı qalanların sırası getdikcə sıxlaşmaqdadır. Nikol hansı işi görmək istəyirsə ona bir "əmma" qoyanlar tapılır. Bu dəfə Paşinyanın kadr siyasətindən narazılığı “Ermənistanın səsi” qəzeti “Rejim liderinin kadrlarında qadınlar” başlıqlı məqaləsində bildirib:

“Hakim siyasi fəaliyyətlə məşğul ola bilməz”!

Paşinyan bu il Arevik Petrosyanın səlahiyyət müddəti başa çatdıqdan sonra Seda Səfəryanı Konstitusiya Məhkəməsinin hakimi kimi görmək istəyir. "Qardaşını Kassasiya Məhkəməsinin sədri, Lulu isə Baş Qərargah rəisi təyin etmək qalır", - "Daşnaksütyun" partiyasının nümayəndəsi, eks-vitse-spiker İşxan Saqatelyan bu münasibətlə bildirib.

Səfəryan Nazirlər Kabinetinin iclasında (partiya və hökumətin) etimadını doğruldacağına söz verib, çünki o, sadəcə hüquqşünas deyil, siyasətçi və Paşinyanın komandasının üzvüdür. Bu səbəbdən onun namizədliyi ER Konstitusiyasının 164-cü maddəsinin 7-ci bəndinə ziddir: “Hakim siyasi fəaliyyətlə məşğul ola bilməz”.

Əvvəlki hökumət dövründə Səfəryan Andranik Köçəryanla birlikdə 2008-ci il martın 1-2-də İrəvanda baş vermiş hadisələrlə bağlı faktaraşdırıcı qrupa rəhbərlik edirdi. O, hakimiyyəti ələ keçirdikdən sonra martın 1-də konstitusiya quruluşunun devrilməsi işi üzrə mütəmadi olaraq öldürülənlərin yaxınlarını məhkəmə iclaslarına gətirirdi. Bu iş 10 nəfərin ölüm şəraitinə aid deyildi, lakin Səfəryan (hesab edilir ki, Paşinyanın təklifi ilə) ikinci prezidentin və bir qrup insanın məhkəməsi üçün emosional fon yaratdı...

Bir müddət əvvəl “Nokolka Şuşo” ləqəbli Şuşanik Nersisyan Dövlət Gəlirləri Komitəsinin sədr müavini postunu tərk edib. 4 il ərzində bu xanım yüksək profilli qalmaqalların və çəkişmələrin episentrində idi. Etibarlı mənbələrdən məlum olur ki, Şuşanik öz müdiri Rüstəm Badasyanla aktiv şəkildə toqquşur, keçmiş ədliyyə naziri isə Dövlət Gəlirləri Komitəsinin sədri kimi onun müavininin başından duman çəkilmirdi. Baş nazirin həyat yoldaşı Anna Akopyanın müdaxiləsi olmasaydı, toplanmış materiallar cinayət işinə çevrilə bilərdi. O, adı qalmaqallı siqaret qaçaqmalçılığı işində (aprel 2020) hallanan Şuşonun bədənindəki tatuirovkaların qayğısına qalır. Akopyanın himayəsi ilə tatuajlı Şuşanik tezliklə yeni vəzifə alacaq...

Qadınların dövlət idarəçiliyinə cəlb edilməsi baxımından rejimin öyünməyə heç nəyi yoxdur. Seçki Məcəlləsinin tələblərinə görə, partiyaların seçkiqabağı siyahılarında hər üçdə bir qadın olmalıdır, bu norma əvvəlki hakimiyyət dövründə də qüvvədə idi. Nikolun dövründə parlament fraksiyasından olan qadın deputatların qanunvericilik prosesində iştirakı əhəmiyyətli dərəcədə azalıb, lakin vergi ödəyiciləri Sona Qazaryan, Arusyak Culakyan və başqalarının pulları hesabına xaricə səfərlərin sayı artıb.

Ən fəlakətli kadr qərarı inqilabın səhərində Kopenhagendən gəlmiş Tatevik Revazyanın Mülki Aviasiya Komitəsinin rəhbəri təyin edilməsi oldu. Analıq məzuniyyətinə gedənə qədər "füsunkar təbəssüm"ü ilə mülki aviasiyanı məhv etməyi bacardı. Böyük təcrübə və biliyə malik ekspertlər qısa müddətdə Komitədən uzaqlaşdırıldılar.

Ölkədaxili hava daşımaları sahəsində qeydə alınan qanun pozuntularının siyahısı yüzlərlədir. Onların arasında İrəvan-Moskva reysinin Rostov-Donda texniki nasazlıq səbəbindən məcburi enişi də var. Oxşar vəziyyət Tbilisidə məcburi eniş edən Sankt-Peterburq-İrəvan reysi zamanı yaranıb, Revazyanın ayaq üstə sərnişin daşıması halları da qeydə alınıb və s. Bütün aviasiya sənayeni qısa müddətdə məhv etdikdən sonra bu xanım postunu tərk etdi ...

Bütün yüksək rütbəli xanımların əsas “peşəkar” keyfiyyəti onların kumirinə açıq-aşkar heyranlığıdır. Diplomatik iş təcrübəsi olmayan Lilit Makunts yalnız ingilis dilini bildiyinə və Paşinyan ailəsi ilə uzun müddət dost olduğuna görə ABŞ-a səfir təyin edilib. Bu, ABŞ-dakı ilk səfirdir ki, heç vaxt erməni diasporu ilə əlaqə yarada bilməyib və Amerikanın erməni gəncləri tərəfindən “Satqın!” adlandırılıb.

Paşinyanın keçmiş mətbuat katibi Mane Gevorqyanın heç bir peşəkar bacarığı yox idi, lakin o, Paşinyana heyranlığna, ona pərəstiş etdiyinə görə bu vəzifəyə təyin edilib. Xatırladaq ki, bu şəxs, göyərtəsində əsir düşmüş erməni əsgərləri olan bir təyyarənin Bakıdan sürətlə enişi xəbərini vermişdi. Məhkumların valideynləri hava limanına qaçaraq gələndə məlum olmuşdu ki, təyyarə boş gəldi. Dərhal məlum oldu ki, məhbusların Bakıdan gətirilməsi nəzərdə tutulmayıb. Dezinformasiya saytlardan biri tərəfindən dərc edilib və baş nazirin mətbuat katibi terri qeyri-peşəkarlığına görə bunu son həqiqət kimi dilə gətirib.

Paşinyanın tərtib etdiyi siyahıda deputat olmuş bütün qadınlar, o cümlədən onun keçmiş katibi Arpi Davoyan parlamentin tribunasından öz xeyirxahının ləyaqətini bu gün də tərənnüm edir. Davoyanın çıxışları Mariya Karapetyanın ifalarından heç də geri qalmır. Ermənilər bu qadının çıxışını azərbaycanlılara rəğbət kimi təqdim edirlər. O, Ermənistan parlamentinə ilk transgenderi gətirməklə də məşhurlaşıb. Müqayisə üçün qeyd edək ki, “Vətəndaş müqaviləsi” fraksiyasının heç bir təmsilçisi peşəkar və iradəli keyfiyyətlərinə görə ən gənc deputat Naira Karapetyanın AŞPA-nın iclasındakı çıxışını təkrarlaya bilməz.

Paşinyanın köməkçisi Anna Vardapetyan futbol federasiyasının keçmiş sədri Ruben Ayrapetyan və oğlunun cinayət işini redaktə edərək rəsmi cinayət törətməklə baş prokuror vəzifəsini qazanıb. O, Nikolun maraqlarını açıq şəkildə müdafiə etməsinə baxmayaraq, peşəkar mühitdə səriştəli hüquqşünas hesab edilən Artur Davtyanı əvəz edəcək. Vardapetyan bir gün də prokurorluqda işləməsə də, Paşinyanın etimadını qazana bilib və buna görə də şəxsi köməkçi vəzifəsindən şəxsi baş prokuror vəzifəsinə keçib.

Bəzən erməni müxalifətinin funksionerləri qəzet və saytlarda belə bir sualı tez-tez təkrarlayırlar ki, yeni təyin olunmuş Baş prokuror 2014-cü ildə kimdən Malatiya-Sebastiyada mənzil hədiyyəsi alıb? Əri 2007, 2011 və 2013-cü illərdə Erebkirdə 3 mənzili hansı vəsaitlə alıb?