“Türkə düşmən olanlar yeni şəraiti qəbul etmək istəmirlər” AÇIQLAMA

“Azərbaycanımızın 44 günlük Vətən Müharibəsində şanlı qələbəsi, torpaqlarımızın mənfur erməni faşistlərinin işğalından azad edilməsi təkcə Azərbaycan və bu qələbədə əvəzsiz rol oynayan Türkiyəmiz üçün deyil, bütün türk dövlətləri üçün də misilsiz tarixi əhəmiyyətə malikdir. Mübaliğəsiz demək olar ki, Azərbaycanımızın bu qələbəsi bütün türk xalqları tərəfindən böyük çoşqu ilə qarşılanmış, türk dövlətlərinin bir-birinə daha da yaxınlaşması üçün möhtəşəm impuls vermişdir”. Bunu “Səs” qəzetinə açıqlamasında Təkamül partiyasının sədri Teyyub Qənioğlu deyib.

Onun sözlərinə görə, Azərbaycan Prezidenti İlham Əliyevin iyunun 21-də Özbəkistana səfəri, Azərbaycanla qardaş Özbəkistan arasında imzalanmış sənədlər, xüsusilə də Strateji tərəfdaşlığın dərinləşdirilməsi və qarşılıqlı fəaliyyətin genişləndirilməsi haqqında siyasi Bəyannamə iki dövlətarasında əlaqələrin genişləndirilməsinə bariz nümunədir. İnanırıq ki, Daşkənddə imzalanmış sənədlər nəinki iki qardaş dövlətin münasibətlərinin daha da dərinləşməsinə və möhkəmlənməsinə zəmin yaradacaq, eyni zamanda digər türk dövlətləri üçün də nümunə olacaqdır. Azərbaycanın Vətən Müharibəsində qələbəsi Cənubi Qafqaz regionunda yeni münasibətlərin formalaşması, sülhün bərqərar olması üçün münasib şərait yaratmışdır. Ancaq türkə düşmən olanlar yeni şəraiti qəbul etmək istəmirlər. Ona görə də bu gün nəinki Cənubi Qafqaz regionunda, eləcə də, onunla birbaşa əlaqəsi olan Xəzər, Mərkəzi Asiya regionlarında sülhə və sabitliyə ciddi ehtiyac vardır. Bu regionlarda sülhə, sabitliyə nail olunması böyük ölçüdə türk dövlətlərinin birgə səyindən asılıdır. İnanırıq ki, Azərbaycan Prezidenti İlham Əliyevin qardaş Özbəkistana səfərinin nəticələri bu iki qardaş ölkə ilə yanaşı, digər türk dövlətlərinin də daha da yaxınlaşmasına impuls verəcəkdir “ .

Müəllif: Gülyana

Bütün xəbərlər Facebook səhifəmizdə

loading...