"Gənclərimizi narkomaniya bəlasından qoruyaq" mövzusunda tədbir keçirilib

YAP Samux rayon təşkilatında karantin rejiminin tələblərinə uyğun olaraq “Gənclərimizi narkomaniya bəlasında qoruyaq” mövzusunda tədbir keçirilib. Tədbirin keçirilməsində məqsəd narkotiklərin insan orqanizminə məhvedici təsiri, törətdiyi sosial bəlalar, erkən müalicənin labüdlüyü, həmçinin narkomanlığın cəmiyyətə və insanların sağlamlığına ziyanı barədə gənclərin maarifləndirilməsindən ibarət idi.

Tədbiri YAP Samux rayon təşkilatının sədri Gündüz Bayramov açaraq narkotik vasitələrə aludəçiliyin səbəb olduğu bəlalardan danışib. Narkotik aludəçilərinin son vaxtlar daha erkən 17-20 yaş arasındakı gənclərdə müşahidə olunduğunu qeyd edən Gündüz Bayramov orta məktəblərdə şagirdlərə narkomaniyanın fəsadları barədə məlumat verilməsinin vacibliyini vurğuladı. Narkomaniyanın bu gün bəşəriyyəti düşündürən və narahat edən ən ağrılı problemlərdən biri olduğunu bildirdi. Ölkəmizdə narkomaniyaya qarşı mübarizədən danışan natiq belə tədbirlərin davamlı olaraq keçirilməsinin əhəmiyyətini bildirib.

Gündüz Bayramov bəşəriyyətin ən böyük bəlalarından olan narkomaniyanın cəmiyyətin mənəvi və əxlaqi dəyərlərinə, eyni zamanda, insanların həyatına, sağlamlığına ciddi təhlükə yaratdığını vurğulayıb, gəncləri narkotik maddələrdən, o cümlədən digər zərərli vərdişlərdən uzaq tərbiyə etməyin vacibliyini qeyd edib.

Tədbirə qonaq qismində dəvət olunmuş Samux rayonu İcra Hakimiyyəti Başçısı aparatında hüquq şöbəsinin məsləhətçisi vəzifəsində çalışan Rafiq Sadıqov qeyd edib ki, müasir dünyada cəmiyyəti narahat edən problemlər içərisində ən mürəkkəbi, faciəvi nəticələrə gətirib çıxaranı narkomaniyadır. Ona görə də bu bəlaya qarşı qlobal şəkildə, birgə mübarizə aparılmalıdır. Ona görə də bu mövzuda olan tədbilərin keçirilməsi mühüm əhəmiyyət kəsb edir. O, bildirib ki, “ağ ölüm”lə mübarizədə gənclər arasında maarifləndirmə işinin aparılması və bu sahədə təhsil müəssisələrinin, kitabxanaların, idman təşkilatlarının eləcə də ictimaiyyətin rolu böyükdür. O, qeyd etdi ki, belə vasitələr orqanizmdə təkcə fəsadlar törətmir, həm də gələcək nəslin sağlamlığı üçün ciddi təhlükə yaradır.

Daha sonra YAP Samux rayon təşkilatının fəal üzvləri Vidadi İsayev, Sərxan Abuzərov, Elmir Qurbanov, Lalə Məmmədova çıxış edərək narkomaniyanın yayılmasının gənc nəslin sağlam həyat tərzi üçün təhlükə törətməsi, narkotik maddələrin qəbul edilməsi ilə insanın fiziki və psixoloji cəhətdən məhv olması haqqında fikirlərini diqqətə çatdırıblar.

Ilham

Bütün xəbərlər Facebook səhifəmizdə