Azərbaycan Prezidenti İlham Əliyev və Birinci xanım Mehriban Əliyeva Şuşaya səfərə gedirlər. SİA xəbər verir ki, bu barədə Birinci xanım Mehriban Əliyeva rəsmi İnstaqram hesabında paylaşım edib: "Böyük qürurla sizə bildirirəm ki, bu gün əlamətdar gündür. Azərbaycanın mədəniyyət paytaxtı elan olunmuş bizim qədim doğma Şuşa şəhərimizdə “Xarıbülbül” musiqi festivalı dirçəlir. Neçə illik həsrətdən sonra əfsanəvi Cıdır düzündə yenidən Azərbaycan muğamı səslənəcək. Böyük məmnuniyyətlə Qarabağa səfərimizin görüntülərini sizinlə paylaşıram”. Dövlət başçısı sözügedən görüntülərdə bildirib ki, onlar yolüstü Xocavənddə çay içiblər: "Təbiətin qoynunda, armudu stəkanda çay içirik. Necə ki, Cıdır düzündə çay içmişik, indi də Xocavənddə çay içirik. Bu qədim Azərbaycan torpağında Azərbaycan xalqı əbədi yaşayacaq".
Bütün xəbərlər Facebook səhifəmizdə
USD
EUR
GBP
RUB