YAP Şəmkir rayon təşkilatının nümayəndələri şəhid ailələrini və qaziləri ziyarət ediblər
YAP Şəmkir rayon təşkilatının fəalları “Şəhid ailələrinə qayğı” aksiyası çərçivəsində rayonun Sabirkənd, Düyərli kəndlərində şəhid ailələrinin üzvlərini və qazilərimizi ziyarət ediblər. Ziyarət zamanı təşkilat üzvləri şəhid ailələrinə başsağlığı verib, ailələrin qayğıları, problemləri ilə maraqlanıblar.
Rayon təşkilatının sədri Fəxrəddin Vəliyev görüş zamanı bildirib ki, bütün şəhidlərimizin əziz xatirəsi hər zaman Azərbaycan xalqının qəlbində yaşayacaqdır: "Dövlət başçımızın şəhid ailələrinin sosial qayğılarına göstərdiyi böyük diqqət bizlər üçün də nümunə təşkil edir. Tək təsəllimiz şəhidlərin qanlarının yerdə qalmaması və torpaqlarımızın işğaldan azad olunmasıdır".
Şəhid ailələri və qazilərimiz onlara göstərilən diqqət və qayğıya görə, ölkə Prezidenti İlham Əliyevə və Birinci vitse-prezident Mehriban xanım Əliyevaya öz minnətdarlıqlarını ifadə ediblər.
Rəfiqə
Bütün xəbərlər Facebook səhifəmizdə
USD
EUR
GBP
RUB