Növbəti erməni deputatı mandatından imtina etdi

Ermənistan parlamentinin hakim fraksiyasından olan başqa bir deputat, Qayane Abraamyan mandatından imtina edib. SİA Ermənistana məxsus aysor.am saytında yayımlanan məlumata istinadən xəbər verir ki, bu barədə “İrates” qəzeti yazır.

Qəzet yazır ki, Paşinyandan narazılıq Erməni Milli Konqresində, xüsusən də hakimiyyətə soxulmağı bacaran, ancaq Ter-Petrosyanla ayrılmaz tellərlə əbədi olaraq əlaqəli olan ANC nümayəndələri arasında artıb.

“Onlar yalnız müxtəlif sahələrdə verilən qərarlardan deyil, Paşinyanın onlara münasibətindən də narazıdırlar. Ter-Petrosyanın "mənəvi oğlu" adını qazanan, bir zamanlar ANC təbliğatçısı olan Nikol Paşinyan bu yaxınlarda Konqresin nümayəndələrinə və yaxınlarına açıq şəkildə mənfi münasibət göstərdiyini söylədi ki, bu da təbii olaraq bu partiyaya təsirsiz ötüşmür", deyə qəzet yazır.

Müəllif: İnam Hacıyev

Bütün xəbərlər Facebook səhifəmizdə