Yeni Azərbaycan Partiyasının (YAP) Qaradağ rayon təşkilatında 15 iyun - Milli Qurtuluş gününə həsr olunmuş “Tarixi qayıdış” mövzusunda onlayn konfrans keçirilib. SİA-nın verdiyi məlumata görə, konfransda YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov çıxış edərək Ulu öndər Heydər Əliyevin müdrik siyasəti ilə xalqımıza bəxş etdiyi şanlı tarixi gün - Milli Qurtuluş günü barədə ətraflı danışıb.
Millət vəkili qeyd edib ki, 26 il əvvəl ölkəmiz parçalanaraq müstəqilliyini itirilmək təhlükəsi ilə üzləşəndə xalqın yekdil çarığışı ilə hakimiyyətə qayıdan Ümummilli Liderimiz Heydər Əliyev xalqımızın xilaskarlıq missiyasını öz üzərinə götürərək müstəqilliyimizi qorumaqla respublikamızda dinamik inkişafın təməlini qoydu: "Azərbaycan qarşılaşdığı bütün çətinliklərdən qurtuldu və bu gün tariximizə qızıl hərflərlə yazılan Milli Qurtuluş günü kimi düşdü. Məhz bu gündən başlayaraq Heydər Əliyevin müdrik siyasəti və qətiyyətli rəhbərliyi nəticəsində xalqımızın azadlıq arzuları əbədiləşdirdi. Azərbaycan dünya birliyində rolunu artırmaqla yeni bir inkişaf strategiyasına qədəm qoydu. Bütün sahələr üzrə həyata keçirilən məqsədyönlü layihələr nəticəsində milli dövlətçiliyimiz möhkəmləndi, ölkəmiz inkişaf etdi, beynəlxalq əlaqələrimiz genişləndi, xalqımızın rifah halı durmadan yaxşılaşdı".
A.Hüseynov bildirib ki, Ümummilli Lider Heydər Əliyevin sağlam təməllər üzərində müəyyənləşdirdiyi müdrik siyasətin partiyamızın sədri, möhtərəm Prezidentimiz İlham Əliyev tərəfindən uğurla davam etdirilməsi və bu inkişafa Birinci vitse-prezident Mehriban xanım Əliyevanın öz dəyərli töhfələrini verməsi nəticəsində respublikamız durmadan inkişaf etməklə dünya birliyində söz sahibi olan dövlətlərdən birinə çevrilib.
Konfransda fəal iştirak etdiyinə görə 72 partiya üzvünün hər birinə dərin təşəkkürünü bildirən A.Hüseynov onları tarixi gün münasibətilə təbrik edərək uğurlar arzulayıb.
Konfransda çıxış edən rayon təşkilatının sədr müavini, Qaradağ Rayon İcra Hakimiyyətinin başçısı Süleyman Mikayılov 1993-cü il 15 iyun tarixini qayıdış günü kimi qiymətləndirib. Qeyd edib ki, məhz bu tarixi qayıdış Azərbaycanı siyasi oyunlardan, daxili çəkişmələrdən, parçalanmaqdan, vətəndaş müharibəsindən xilas etdi. Heydər Əliyevin yorulmaz və titanik fəaliyyəti, yürütdüyü müdrik daxili və xarici siyasət nəticəsində müstəqilliyimiz dönməz xarakter aldı, hüquqi, demokratik və dünyəvi dövlət quruculuğu, milli ordunun formalaşdırılması, beynəlxalq aləmdə Azərbaycanın demokratik imicinin artması sahəsində böyük işlər görüldü.
Konfransda RT-nin İdarə Heyətinin üzvü, "91-lər"in nümayəndəsi, rayon icra hakimiyyətinin şöbə müdiri Munis Bayramov, şura üzvlərindən Elnur Bağırov, Nəzakət Məmmədova, RT-nin Gənclər Birliyinin sədri Seyidməmməd Məmmədzadə, Taleh Quliyev, Əlizamin Məmmədov və başqaları çıxış edərək bildirilər ki, məhz Azərbaycan xalqının Ümummilli lideri Heydər Əliyevin uzaqgörən siyasətinin nəticəsidir ki, indi dövlətimizin iqtisadi qüdrəti durmadan artır, beynəlxalq aləmdə etibarlı tərəfdaş kimi tanınır, ölkəmizdə ictimai-siyasi sabitlik möhkəmlənir, xalqımızın arzuları reallaşır və sosial rifahı günbəgün yaxşılaşır.
.jpg)
.jpg)
Bütün xəbərlər Facebook səhifəmizdə
USD
EUR
GBP
RUB