"Əfv fərmanı bir daha sübut etdi ki, dövlət başçısı həmişə vətəndaşının qayğısına qalır" - Tahir Kərimli

Əfv fərmanı bir daha sübut etdi ki, dövlət başçısı həmişə vətəndaşının qayğısına qalır, öz humanistliyini davam etdirir.

SİA xəbər verir ki, bunu "Trend"ə açıqlamasında millət vəkili Tahir Kərimli deyib.

Onun sözlərinə görə, Prezident İlham Əliyev növbəti əfv fərmanını imzalamaqla Ümummlli lider Heydər Əliyevin humanizm ənənəsini davam etdirdi.

"Biz bilirik ki, 65 yaşdan yuxarı insanlar koronavirusa infeksiyasına yoluxma baxımından həssas qrupdur. Onların cəzaçəkmə məntəqələrində deyil, evdə izolyasiya olunmaları daha vacibdir. Cənab Prezident də cinayət törətmiş 65 yaşdan yuxarı olan şəxslərin qayğısına qalaraq onları cəzadan azad etdi. Dövlət başçısı həmin cəza çəkən şəxslərin ailə üzvlərinin müraciətinə reaksiya verərək, onların davranış tərzlərini nəzərə alıb cəzalarını bağışladı.

Bu sərəncamla 100-dən artıq ailəyə sevinc bəxş olundu. Azad olunan məhkumlar da bu addımı müsbət qiymətləndirəcək və bundan sonra Azərbaycan qanunlarına hörəmətlə yanaşacaq, dövlətə və dövlətçiliyə ximət edəcəklər. Əfv fərmanı bir daha sübut etdi ki, cənab Prezident həmişə vətəndaşının qayğısına qalır, öz humanistliyini davam etdirir".

Millət vəkili deyib ki, Prezident İlham Əliyevin bu addımı dövlət-xalq münasibətlərini daha da möhkəmləndirəcək.

Xatırladaq ki, aprelin 6-da Prezident İlham Əliyev “Məhkum edilmiş bir sıra şəxslərin əfv olunması haqqında” sərəncam imzalayıb. Dünyada koronavirus (COVİD-19) infeksiyasının yayılması ilə əlaqədar yaşına və səhhətinə görə xüsusi qayğıya ehtiyac duyan yaşı 65-dən yuxarı olan məhkumların və onların ailə üzvlərinin ölkə Prezidentinə ünvanlanmış əfv haqqında müraciətlərinə baxılaraq, məhkumların sağlamlıq vəziyyəti, cəza çəkdikləri müddətdə davranışları nəzərə alınaraq və humanizm prinsiplərinə əsaslanaraq, 176 məhkum cəzasının çəkilməmiş hissəsindən azad edilib.

Ümumilikdə müstəqillik dövründə Azərbaycanda 66 əfv sərəncamı imzalanıb, 11 amnistiya aktı qəbul edilib.

Bütün xəbərlər Facebook səhifəmizdə