30-31 mart 2011-ci il tarixində İstanbulda Türk-Asiya Strateji Araşdırmalar Mərkəzinin təşəbbüsü(TASAM) ilə "İctimai Diplomatiya" mövzusunda İslam Konfransı Təşkilatına üzv ölkələrin beyin mərkəzlərinin II forumu keçiriləcək. SAM-dan SİA-ya verilən xəbərə görə, forumda ölkəni Azərbaycan Respublikasının Prezidenti yanında Strateji Araşdırmalar Mərkəzini aparıcı elmi işçi Cavid Vəliyev təmsil edəcək.
Tədbirin keçirilməsində məqsəd İKT üzv ölkələrin öz regionlarında və qlobal arenada təsirli bir beynəlxalq aktyor olmaq istiqamətində hədəflərinə ictimai diplomatiya vasitəsindən istifadə edərək daha etibarlı şəkildə çatmaqlarına nail olmaqdır. Forum iştirakçıları bu məqsəd üçün müvafiq elmi işləri dəstəkləməklə, ictimai təşkilat və qurumlarla birlikdə vətəndaş cəmiyyəti təşkilatlarının bu istiqamətdə ortaq layihələr həyata keçirə bilmələri üçün zəmin yaradacaqlar.
Forum İKT üzv ölkələrin regional və qlobal səviyyədə fəaliyyətlərini gücləndirmə hədəfinə töhfə verməklə yanaşı, qlobal sülh və əməkdaşlığın qurulmasına köməklik göstərəcəkdir. Xüsusilə, beyin mərkəzlərinin nümayəndələrinin ixtisas sahələrinə uyğun çərçivədə reallaşdırılacaq yığıncaqlar ilə həm dövlət həm də vətəndaş cəmiyyəti çərçivəsində, regional və qlobal səviyyədə meydana gələn siyasi, sosiomədəni və iqtisadi inkişafların yaxından izlənilməsi, sahib olduqları məlumatları bölüşərək birlikdə qiymətləndirilməsi, aktual və gələcəyə dair konstruktiv dialoqların inkişaf etdirilməsi mümkün olacaqdır.
Bütün xəbərlər Facebook səhifəmizdə
USD
EUR
GBP
RUB