"Bəzi qəzetlər tirajlarını azaldıb. Bu da hazırda insanların qəzetlərin elektron variantlarından daha çox istifadə etməsindən irəli gəlir". Bu fikirləri SİA-ya "Yeni Müsavat" qəzetinin baş redkatorunun müavini Azər Ayxan qəzetlərin qiymətinin artıb-artmamasına münasibətini bildirərkən deyib.
O qeyd edib ki, istənilən yerdə internet vasitəsilə qəzetləri izləmək imkanı olur: "Bu baxımdan da qəzetlərin qiymətini qaldırmaq və tirajı azaltmaq bir qədər riskli məsələdir. Kəskin qiymət dəyişimi "Yeni Müsavat"da müzakirə edilmir. Çünki o zaman hər kəs elektron variantdan istifadə edəcək, heç qəzet almağa ehtiyac duymayacaq. Olan-qalan oxucunu da bu şəkildə uzaqlaşdırmaq absurddur. Ölkənin ən strateji sahəsi olan informasiya sahəsinin bu prosesdən zərərlə çıxmaması üçün dövlətimizin kifayət qədər potensialı var".
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB