Azərbaycan Respublikasının Prezidenti İlham Əliyev bu gün Ağdaşda Bayraq Meydanında yaradılan şəraitlə tanış olub. SİA-nın xəbərinə görə, ötən əsrin əvvəllərində Azərbaycan Xalq Cümhuriyyətinin atributu olmuş üçrəngli, ay-ulduzlu bayrağın yenidən Azərbaycanın müstəqillik rəmzinə çevrilməsi ümummilli lider Heydər Əliyevin tarixi xidmətləri sayəsində mümkün olub.
Azərbaycan müstəqilliyini bərpa etdikdən sonra milli bayrağımız ilk dəfə Ulu Öndər Heydər Əliyev tərəfindən Naxçıvanda qaldırılıb. Odur ki, dövlətin atributlarına hörmət və ehtiram Ulu Öndərin bizə ən böyük əmanətidir. İndi bu bayraq dünyanın ən nüfuzlu beynəlxalq təşkilatlarında, mötəbər mərasimlərində qürurla dalğalanır. Bu gün hər bir azərbaycanlı dövlət bayrağını özünün qürur mənbəyi hesab edir. Bu mühüm amili şərtləndirən əsas səbəblərdən biri də Prezident İlham Əliyevin dövlət atributlarımıza xüsusi ehtiramla yanaşmasıdır. Fərəhli haldır ki, dünyanın ən hündür bayraq dirəyinin ucaldığı Bakıdan sonra ölkənin əksər bölgələrində də üçrəngli bayrağımızın şərəfinə meydanlar yaradılır, bununla bağlı xüsusi layihələr həyata keçirilir. Ağdaşda salınan Bayraq Meydanı və burada ucaldılan dövlət bayrağı da öz möhtəşəmliyi ilə diqqəti cəlb edir.
Qeyd olunub ki, Bayraq Meydanının inşasına ötən ilin fevralında başlanılmış və bu ilin aprelində sona çatdırılıb. Bayraq dirəyinin hündürlüyü 52 metrdir. Təbii mərmərlə üzlənmiş postamentin üzərində Azərbaycanın xəritəsi, dövlət himni və gerbi əks olunub. Meydan inşa olunarkən burada Azərbaycan milli memarlıq məktəbinin elementlərindən geniş istifadə edilib.
Bayraq Meydanının ərazisində geniş abadlıq işləri görülüb, yaşıllıq zolağı salınmış və müasir işıqlandırma sistemi quraşdırılıb. Ağdaş sakinlərinin istirahəti üçün meydanda hər cür şərait yaradılıb.
Bütün xəbərlər Facebook səhifəmizdə
USD
EUR
GBP
RUB