Həştərxan vilayətinin qubernatoru Aleksandr Jilkin Azərbaycan Prezidenti İlham Əliyevi yenidən bu vəzifəyə seçilməsi münasibətilə təbrik ediblər. SİA-nın məlumatına görə, Aleksandr Jilkin təbrik məktubunda bildirib: "Hörmətli İlham Heydər oğlu. Azərbaycan Respublikası Prezidenti seçkilərində inamlı qələbəniz münasibətilə ən səmimi təbriklərimi qəbul edin.Növbəti dəfə bu vəzifəyə seçilməyiniz Sizin Azərbaycan xalqı qarşısında qazandığınız yüksək nüfuzu tam təsdiq edir. Əminəm ki, Sizin görkəmli lider keyfiyyətləriniz bundan sonra da Azərbaycan Respublikasının siyasi sabitliyinə və iqtisadi inkişafına xidmət edəcəkdir.
Həştərxanlılar Sizi xalqlarımız arasında dostluq əlaqələrinin möhkəmlənməsinin əqidəli tərəfdarı kimi tanıyır və qiymətləndirirlər. Sizin səyləriniz sayəsində Həştərxan-Azərbaycan əməkdaşlığına xeyli dərəcədə yeni nəfəs verilib, Azərbaycanın və Həştərxan vilayətinin iştirakı ilə yeni genişmiqyaslı layihələr aşkar cəhətlər kəsb edir. Ümidvaram ki, aramızda yaranmış konstruktiv dialoq gələcəkdə Həştərxan vilayəti ilə Azərbaycan arasında ikitərəfli əlaqələrin dərinləşməsinə tam kömək edəcək.
Çox hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik, firavanlıq, Azərbaycanın rifahı naminə yeni uğurlar diləyirəm".
Bütün xəbərlər Facebook səhifəmizdə
USD
EUR
GBP
RUB