"Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin imzatoplama kampaniyası faktiki olaraq başa çatmaq üzrədir". SİA-nın məlumatına görə, bunu partiyanın səlahiyyətli nümayəndəsi Elçin Mirzəbəyli deyib.
Onun sözlərinə görə, artıq əksər dairələr üzrə imzalar partiyanın səlahiyyətli nümayəndəsinə təqdim olunub: "Partiyada yoxlama prosesi davam etdirilir. Yəqin ki, bu gün və ya sabah ucqar rayonlar da daxil olmaqla, imzaların təqdim olunması başa çatdırılacaq. Yaxın bir neçə gün ərzində müvafiq sənədlərlə birlikdə imza vərəqələri Mərkəzi Seçki Komissiyasına təqdim olunacaq". Elçin Mirzəbəyli onu da bildirib ki, partiyanın ayrı-ayrı rayon təşkilatlarının funksionerləri imzatoplama kampaniyasında kifayət qədər fəal iştirak ediblər: "BAXCP-nin yerli təşkilatlarl imzatoplama kampaniyasına aktiv şəkildə iştirak ediblər. Bu günə qədər təqdim olunan imzalar Seçki Məcəlləsinin müvafiq tələblərinə uyğun olaraq toplanılıb".
Bütün xəbərlər Facebook səhifəmizdə
USD
EUR
GBP
RUB