Rusiya Federasiyasının Hərbi Dəniz Donanmasının (HDD) Xəzər flotiliyasının komandanı, vitse-admiral Sergey Alyokminskinin komandanlığı altında iki hərbi gəmi bazar ertəsi Bakı limanına daxil olub. SİA-nın məlumatına görə, bu barədə Rusiya Federasiyasının Cənub Hərbi Dairəsinin mətbuat xidməti xəbər yayıb. Məlumatda bildirilir ki, "Dağıstan" raketdaşıyan gəmisi və "Volqodonsk" kiçik artilleriya gəmisi Xəzər dənizində Rusiya və Azərbaycanın donanmaları arasında əməkdaşlığın möhkəmləndirilməsi və inkişafı çərçivəsində Bakıya gəliblər.
Səfər çərçivəsində Rusiyanın Xəzər donanması və Azərbaycan Hərbi Dəniz Qüvvələrinin rəhbərliyi arasında görüş planlaşdırılır.
Rusiyalı dənizçilər Fəxri Xiyabanda Heydər Əliyevin məzarını və Şəhidlər Xiyabanını ziyarət edəcəklər. Onlar şəhərin görməli yerləri və ölkənin tarixi ilə də tanış olacaqlar.
Bütün xəbərlər Facebook səhifəmizdə
USD
EUR
GBP
RUB