Aprelin 4-də Yeni Azərbaycan Partiyasının Sədr müavini-İcra katibi Əli Əhmədov Şamaxı rayonunda partiya fəalları ilə görüş keçirib. SİA-nın məlumatına görə, görüş iştirakçıları ilk öncə Ulu öndər Heydər Əliyevin abidəsi önünə gül dəstələri qoyublar.
Tədbiri giriş sözü ilə YAP Şamaxı rayon təşkilatının sədri Bəxtiyar Abbasov açaraq görülmüş işlər haqqında qısa məlumat verib.
Yeni Azərbaycan Partiyasının Sədr müavini Əli Əhmədov görüşdə çıxış edərək ölkənin ictimai-siyasi həyatında baş verən hadisələrdən, Azərbaycan Respublikasının Prezidenti cənab İlham Əliyevin rəhbərliyi altında həyata keçirilən islahatların uğurlu nəticələrindən geniş bəhs edib.
Görüşdə Milli Məclisin üzvlərindən Eldar İbrahimov və Ərəstun Cavadov, Şamaxı rayon İcra Hakimiyyətinin başçısı Asif Ağayev iştirak ediblər.
Bütün xəbərlər Facebook səhifəmizdə
USD
EUR
GBP
RUB