Gürcüstanın baş naziri Bidzina İvanişvili Azərbaycan prezidenti və digər ölkə rəsmilər ilə görüşlər keçirir. Bunu SİA-ya Prezident Administrasiyasının (PA) ictimai-siyasi məsələlər şöbəsinin müdiri Əli Həsənov bildirib.
Onun sözlərinə görə, Gürcüstanın yeni hökumətinin rəhbəri ilə Azərbaycan-Gürcüstan münasibətlərinin bütün tərəfləri müzakirə olunacaq: "Görüşlərdə strateji münasibətləri şərtləndirən enerji sahəsində əməkdaşlıq, qonşuluq əlaqələri, bir çox beynəlxalq layihələrdə birgə iştirak, Azərbaycanla Gürcüstan arasında bir çox digər inteqrativ məsələlər barədə fikir mübadiləsi aparılacaq".
PA-nın rəsmisi deyib ki, iki ölkə arasında seçilmiş kurs qonşuluq münasibətlərini, hər iki dövlətin xalqlarının mənafelərini əks etdirir.
Bütün xəbərlər Facebook səhifəmizdə
USD
EUR
GBP
RUB