Əli Həsənov: "QHT-ləri narahat edən problemlər eyni zamanda bütün dövlət strukturlarını narahat edir" - MÖVQE
"Vətəndaş cəmiyyəti sektorunun nümayəndələri ilə bu günki görüş sözün həqiqi mənasında tam şəffaf, səmimi bir şəraitdə keçiriləcək. Mən bu sahədə Azərbaycanın ictimai həyatında, sosial sahədə ictimai əhəmiyyət kəsb edən və QHT-lərin hansısa şəkildə fəaliyyətinə aid olan bütün məsələləri açıq və şəffaf müzakirə etməyə hazıram". SİA-nın verdiyi məlumatına görə, bunu Prezidenti Administrasiyasının ictimai-siyasi məsələlər şöbəsinin müdiri Əli Həsənov "Vətəndaş cəmiyyətinin möhkəmləndirilməsində QHT-hökumət dialoqu" mövzusunda keçirilən tədbirdəki giriş nitqində söyləyib.
Ə.Həsənov deyib ki, Azərbaycanda vətəndaş cəmiyyəti quruculuğu bu günki dövlət siyasətinin əsas prioritetlərindəndir: "Biz iqtisadi uğurlarımızı, Azərbaycanın dinamik inkişafını siyasi islahatlarsız, vətəndaş cəmiyyəti olmadan, daxili ictimai-siyasi proseslərdə fəal vətəndaşların iştirakı olmadan təsəvvür etmirik".
O qeyd edib ki, vətəndaş cəmiyyəti resursları, QHT-lər ayrı-ayrı fəal vətəndaşların təşəbbüslərinin reallaşdıran bir institutdur: "QHT-lər ictimai davranış normalarını müəyyən edən və onun həyata keçirilməsini təlqin edən institutlardır, bu səbəbdən biz dövlət olaraq QHT-ləri özümüzə tərəfdaş görürük. QHT-lərin məşğul olduğu sahə onların fəaliyyətinin əsasını təşkil edən ictimai, siyasi, sosial, mədəni, həyatın müxtəlif sahələri, eyni zamanda dövlət siyasətinin prioritetlərini təşkil edir".
Şöbə müdiri müzakirələrin formal xarakter daşımayacağını da bildirib: "Bu görüşü formal bir görüş kimi görmürəm. QHT-lıərin səsləndirdiyi təkliflər qeydiyyata alınıb təhlil olunacaq. Həmin təkliflər ümumiləşdirilmiş şəkildə vətəndaş cəmiyyəti institutları ilə gələcək əlaqələrin strategiyasını müəyyən edəcək. QHT-ləri narahat edən problemlər eyni zamanda dövləti, dövlət başçısını, hakimiyyət orqanlarını narahat edir".
Bütün xəbərlər Facebook səhifəmizdə
USD
EUR
GBP
RUB