Avropa Gənclər Forumunun prezidenti Peter Matyasiç, Avropa Gənclər Şəbəkəsinin prezidenti İvana Davidovska və baş katibi Marko Paunoviç "İrəli" Gənclik Mərkəzinin qonağı olub. Təşkilatın mətbuat xidmətindən SİA-ya verilən məlumata görə, görüşdə millət vəkili, "İrəli" İctimai Birliyinin sədri Ceyhun Osmanlı, ictimai birliyin baş katibi Rauf Mərdiyev, "İrəli" İdarə Heyətinin üzvü Nərmin Məmmədova və Gəncə şəhərinin gənclər və idman idarəsinin sədri Mikayıl Zeynalov iştirak ediblər.
Ceyhun Osmanlı birliyin fəaliyyət istiqamətləri, təşkilatın strukturu, həyata keçirilən son layihələr haqda qonaqlara ətraflı məlumat verib. Görüş əsnasında müxtəlif sahələrdə birgə görülə biləcək layihələr və gələcək fəaliyyət perspektivləri müzakirə olunub.
Eyni zamanda qonaqlar "İrəli" Gənclik Mərkəzində fəaliyyət göstərən "İrəli" radio, prodakşn, kitabxana, təlim Mərkəzi və layihələr mərkəzi ilə yaxından tanış olaraq fəaliyyəti yüksək qiymətləndiriblər. Qeyd edək ki, "İrəli" 2010-cu ildən Avropa Gənclər Şəbəkəsinin üzvüdür və Avropa Gənclər Forumunun tədbirlərində fəal iştirak edir.
Bütün xəbərlər Facebook səhifəmizdə
USD
EUR
GBP
RUB