Mübariz Qurbanlı: “Görəsən, Almaniya mətbuatı hansı maraqlar naminə Azərbaycan həqiqətlərini yazmaqdan qorxur”
"Xocalıda törədilən faciə beynəlxalq cinayətdir". SİA-nın xəbərinə görə, bunu Milli Məclisin Xocalı soyqırımının 20-ci ildönümü ilə əlaqədar keçirilən bugünkü xüsusi iclasında millət vəkili Mübariz Qurbanlı deyib.
M.Qurbanlı Xocalı soyqırımının 20 illiyi münasibəti ilə prezidentin Azərbaycan xalqına müraciətinin bu gün mətbuatda dərc olunduğuna diqqət çəkib: "Həmin müraciətdə də Xocalı soyqırımının törədilməsi və onu törədənlərin cəzalandırılmasının zəruriliyi məsələləri aydın şəkildə öz əksini tapıb. İlk dəfə olaraq Xocalıda ermənilərin törətdikləri bu hadisələr prezidentimizin müraciətində faşist əməli kimi qeyd olunub. Bu həqiqətən də bir faşist əməli idi. Bu erməniliyin zirvəsi idi, erməniçilik ideologiyasının, erməniliyin hansı əməllərə məxsus olduğunu göstərən bir hadisə idi. Xocalıda törədilən bu vəhşilik, bu soyqırımı hadisəsinin səbəbkarları öz cəzasını alacaq. Bu hadisənin dünyaya çatdırılması ilə əlaqədar da xeyli işlər görülüb və bundan sonra görülməlidir".
Bütün xəbərlər Facebook səhifəmizdə
USD
EUR
GBP
RUB