Demokratik İslahatlar Partiyasının (DİP) sədri Asim Mollazadə ABŞ-ın Missisipi ştatının Senat və Nümayəndələr Palatası, eləcə də digər dövlət orqanlarında Azərbaycan və Türkiyə nümayəndə heyətləri ilə birlikdə bir sıra mühüm görüşlər keçirib. SİA-nın verdiyi məlumata görə, Missisipi Senatında çıxış edən Asim Mollazadə Azərbaycanın regionda ABŞ-ın strateji müttəfiqi olduğunu, gələcəkdə ikitərəfli münasibətlərin daha da inkişaf etdirilməsinin vacibliyini qeyd edib.
Millət vəkili bildirib ki, Azərbaycan şərqdə ilk
demokratik respublika olub, söz azadlığı və qanunun aliliyi kimi ortaq
dəyərləri bölüşdürüb. Senatda Azərbaycan ilə ABŞ arasında ikitərəfli
münasibətləri dəstəkləyən 561 nömrəli qətnamə qəbul olunub. Senator Con Horn
isə öz növbəsində ABŞ-Azərbaycan münasibətlərinin mühümlüyünü, bu görüşün
Missisipi-Azərbaycan ikitərəfli əlaqələrinin inkişafına təkan verildiyini
bildirib.
Daha sonra
Missisipi ştatının Nümayəndələr Palatasında rəsmi görüşlər keçirilib. Asim
Mollazadə Nümayəndələr Palatasında da çıxış edərək Ermənistanın Azərbaycana
təcavüzündən, Xocalı faciəsinin 20-ci ildönümü barədə məlumat verib. O,
"Xocalıya ədalət" şüarını səsləndirib və konqresmenlər bu çıxışı ayaq üstə
alqışlayıblar. Nümayəndələr Palatasında Azərbaycanla bağlı 38 nömrəli qətnamə
qəbul olunub. Missisipi ştatının
dövlət katibi, cənab Delbert Hosemann və vitse-qubernatoru Teyt Rivis ilə
görüşlər keçirilib, ikitərəfli münasibətlər müzakirə olunub.
Səfər çərçivəsində
Amerikanın dövlət rəsmiləri, Missisipi ştatının dövlət katibi, senatorları və
Nümayəndələr Palatasının üzvlərinin iştirakı ilə Türkiyə-Azərbaycan və
Missisipi Biznes sammiti keçirilib. Sammitdə konqresmen Gregg Harper və dövlət
katibi Delbert Hosemann da çıxış edərək, Azərbaycan-Türkiyə-ABŞ
münasibətlərinin artan istiqamətdə inkişaf etdiyini böyük sevinc hissi ilə
qarşılaşdığını bildiriblər.
Səfər zamanı TurkAz
Şurasının dəstəyi ilə ziyafət keçirilib. Burada ABŞ dövlət rəsmiləri,
konqresmen və senatorlar, eləcə də Azərbaycan-Türkiyə nümayəndə heyətinin
üzvləri, Azərbaycanın ABŞ-dakı səfiri Elin Süleymanov, Hyuston-Bakı Qardaş
Şəhərlər Assosiasiyasının prezidenti İradə Axundova, diaspora fəalları da
iştirak ediblər.
Bütün xəbərlər Facebook səhifəmizdə
USD
EUR
GBP
RUB