Motoşou haqda düşüncələrini deyənlərdən biri də Nazirliyin İdman şöbəsinin müdiri Mirkamil Rəhimov oldu: \"Bugünki şou müstəqilliyimizin bərpa olunmasının 20 illiyinə həsr olunub. İlk olaraq şounun Azadlıq Meydanında keçirməyi planlaşdırsaq da orada aparılan təmir işlərinə görə burada keçirməyi qərara aldıq. Dünya şöhrətli xarici motosikletçi ilə yanaşı, şouda bir çox yerli motosikletçimiz də öz məharətlərini göstərəcəklər. Eyni zamanda qeyd edim ki, bayram münasibətilə təşkil olunan bu şou dünyanın bir çox idman kanallarında əsasən də Euronewsda nümayiş olunacaq. Bu kimi şoular Gürcüstan, Ərəbistan və digər xarici ölkələrdə də keçirilib. Əgər Azərbaycanda da maraq doğursa bundan sonra davamlı şəkildə bu layihəni davam etdirməyi düşünürük\".
Bütün diqqətləri öz üzərinə çəkən xarici motosikletçi Kris Pfayfer isə ölkəmizdə belə bir şouda iştirak etməkdən məmnunluğunu diqqətə çatdırıb: \"Mən dünyanın bir çox ölkəsində olmuşam. Azərbaycanda belə bir şouda iştirak etmək mənim üçün də xoş oldu. Eyni zamanda qeyd etməliyəm ki şoudan əvvəl Bakının bir çox görməli yerlərini gəzdim təəsüratlarım isə çox xoş oldu. Qız qalası, Bayraq meydanı xüsusilə marağımı cəlb etdi. Ümid edirəm ki, insanlar da mənim nümayiş edəcəyim şoudan məmnun qalarlar və bu kimi layihələri gerçəkləşdirmək məqsədilə tez-tez ölkənizə səfər edərəm\".
Bütün xəbərlər Facebook səhifəmizdə
USD
EUR
GBP
RUB