Dünya Səhiyyə Təşkilatının Avropa Regional Komitəsinin 61-ci sessiyasının iştirakçıları ümummilli lider Heydər Əliyevin məzarını ziyarət ediblər
Dünya Səhiyyə Təşkilatının Avropa Regional Komitəsinin 61-ci sessiyasının iştirakçıları sentyabrın 11-də Fəxri xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi anılmış, məzarı üzərinə əklil qoyulub, tər güllər düzülüb.
Sonra Şəhidlər xiyabanına gələn qonaqlar Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini anıb, "Əbədi məşəl" abidəsinin önünə əklil qoyublar.
Tədbirin iştirakçıları Bakının ən hündür nöqtəsindən Azərbaycan paytaxtının mənzərəsini seyr ediblər.
Bütün xəbərlər Facebook səhifəmizdə
USD
EUR
GBP
RUB