Azərbaycanın Moldovadakı səfiri Namiq Əliyev ölkənin baş naziri Vladimir Filat ilə görüşüb. SİA-nın məlumatına görə, görüş zamanı Moldova ilə Azərbaycan arasındakı münasibətlərin və beynəlxalq çərçivədə qarşılıqlı əlaqələrin hazırkı vəziyyəti və perspektivləri müzakirə olunub.
Moldovanın baş naziri ölkəsinin bütün səviyyələrdə Azərbaycanın ərazi
bütövlüyünü dəstəklədiyini vurğulayıb, Azərbaycanın da Dnestryanı münaqişədə
Moldovanın ərazi bütövlüyünü dəstəklədiyindən məmnunluq ifadə edib.
V.Filat ölkəsinin energetika sahəsində Azərbaycan ilə əlaqələrinin inkişaf
etdirilməsində maraqlı olduğunu bildirib: "Xəzərin enerji resurslarının
Avropaya nəqli ilə bağlı qəbul ediləcək beynəlxalq layihələrdə Moldova da iştirak
etmək istəyir. İki ölkə arasında bütün sahələrdə, xüsusən də iqtisadi sahədə
yeni əlaqələrin qurulması vacibdir. Bütün beynəlxalq təşkilatlar, o
cümlədən "Şərq tərəfdaşlığı" çərçivəsində də əlaqələrin inkişaf etdirilməsi
vacibdir".
N.Əliyev ölkələrimiz arasında əlaqələrin inkişafı istiqamətində Azərbaycan
Prezidenti İlham Əliyevin apardığı siyasətin davamı olaraq ikitərəfli
münasibətlərin yüksək səviyyədə həyata keçirilməsinə çalışacağını bildirib: "Azərbaycan
Moldova iqtisadiyyatına investisiya qoymaq imkanına malikdir. Bu cür layihələr
Gürcüstan, Ukrayna və Rumıniyada həyata keçirilib. Ölkələrimiz arasında
əməkdaşlığın GUAM çərçivəsində yeni mərhələyə keçməsi vacibdir. Ölkəmiz həm
siyasi, həm də iqtisadi cəhətdən Moldovanı dəstəkləmək imkanına malikdir".
Sonda, Namiq Əliyev Moldova hökumətinin ölkəmizin ərazi bütövlüyünü beynəlxalq
səviyyədə hər zaman dəstəklədiyinə görə baş nazirə minnətdarlığını bildirib. Bununla
yanaşı Azərbaycanın da Dnestryanı münaqişədə Moldovanın ərazi bütövlüyünü
dəstəklədiyini diqqətə çatdırıb.
Bütün xəbərlər Facebook səhifəmizdə
USD
EUR
GBP
RUB
