"Biz Fələstində olan vəziyyətdən narahatıq. Azərbaycan bir daha qardaş Fələstin xalqına onların sülh, stabillik və paytaxtı Qüds şəhəri olmaqla müstəqil Fələstin dövləti yaratmaq səylərini dəstəklədiyini bildiririk". XİN-in mətbuat xidmətindən SİA-ya verilən xəbərə görə, bunu Azərbaycan Respublikasının xarici işlər naziri Elmar Məmmədyarov İslam Konfransı Təşkilatının Xarici İşlər Nazirlərinin 38-ci sessiyasında çıxışı zamanı deyib.
Biz Fələstin xalqının ehtiyaclarının təmin edilməsində bizim təşkilatı birləşdirdiyi üçün İKT-nin baş katibinin və onun heyətinin işini yüksək qiymətləndiririk deyən nazir Kəşmir mübahisəsinin həlli üçün edilən cəhdləri dəstəklədiyini və Kiprli türklərin hələ də davam edən ədalətsiz təcridindən narahat olduğunu dilə gətirib: "Azərbaycan həm də İraq, Əfqanıstan, Sudan, Somali dövlətlərinin və digər İKT-yə üzv ölkələrin bu ölkələrdə sülh, təhlükəsizlik, və stabilliyin bərpasına dair etdiyi cəhdləri dəstəkləyir.
Milyonlarla Müsəlmanlara ağır emosional və psixoloji zərbə vurmuş İslamafobiya təəssüf ki, dünyanın bir sıra ölkələrində qalxmaqdadır. Yaxın illərdə bəzi ölkələrdə dözülməzliyə, ayrı seçkiliyə və İslama qarşı hücumlarla bağlı ciddi faktlar sübut edir ki, dini böhtanın və dinə nifrətin qızışdırılmasına qarşı mübarizə aparmaq lazımdır. Söz azadlığı bəhanəsiylə dinə qarşı atılan böhtan ayrı seçkiliyin və dözülməzliyin yeni və müasir formasıdır. Sivil cəmiyyətlər olaraq, biz öz azadlığımızı ehtiyatla və beynəlxalq normalarla qəbul olunmuş parametrlər çərçivəsində həyata keçirməliyik. Biz İKT-nin bütün dinlərə qarşı böhtanın qarşısının alınmasında zəruri beynəlxalq çərçivənin yaradılması imkanlarını axtarmaq cəhdlərini ciddi dəstəkləyirik".
E. Məmmədyarov İslam Dünyasına və İKT-nin Baş Katibinə Azərbaycanın iyirmi faiz ərazisinin Ermənistanın işğalı altında qalması ilə nəticələnən, Ermənistan ilə davam edən silahlı münaqişədə, Azərbaycana göstərdikləri güclü dəstəyə görə səmimi minnətdarlığını ifadə edib: "Təxminən bir milyon azərbaycanlı öz torpaqlarından etnik təmizləmə nəticəsində qovulmuş və həmçinin İslam irsindən olan minlərlə Azərbaycan mədəni və tarixi abidələri məhv edilmiş və talan olunub.
Bütün xəbərlər Facebook səhifəmizdə
USD
EUR
GBP
RUB