Azərbaycanın dövlət himinin oxunması ilə açılan iclasda cari məsələlər müzakirə olunub. İlk oncə çıxış edən millət vəkili Fuad Muradov fəaliyyəti dayandırılmış özəl ali təhsil ocaqlarının tələbələrinin qarşılaşdığı problemlərə diqqət çəkib. O, bildirib ki, həmin univesitetlərin məzunları belə, dövlət, eləcə də özəl qurumlara iş üçün müraciət etdikdə problemlərlə üzləşirlər. Gələcəkdə bu kimi halların ortaya çıxmaması üçün özəl ali təhsil müəssisələri ilə bağlı qanunvericiliyə dəyişiklər etmək lazımdır.
Deputat İqbal Ağazadə isə Türkiyədə sui-qəsd iddiaları ilə həbs edilmiş, Qarabağ döyüşlərinin iştirakçısı Yusif Ziya Arpacığın həbsdən azad edilməsi üçün Milli Məclisin Türkiyə tərəfinə müraciət göndərməsi, eyni zamanda keçmiş deputatlığa namizəd Bəxtiyar Hacıyevin əfv edilməsi təklifi ilə çıxış edib.
Dini və ya digər baxışlarına görə alternativ xidmətdən istifadəyə gəlincə, deputat bundan istifadənin mümkünlüyünü vurğulayıb: "Hansısa müəllimin uşağı hərbi xidmətə getmirsə, 5-6 il cəza çəkir. Kimsə göydən zənbillə düşməyib. Avropada cinsi azlıqlar hərbi xidmət çəkə bilmirlər. O ki, qaldı dini baxışına görə, İslam dinində ələ silah almağın heç bir qadağası yoxdur".
Azərbaycanda \"Dövlət qulluğu haqqında\" qanuna əvvəllər edilmiş dəyişikliklərə görə, dövlət qulluqçuları üçün ən son yaş senzi 65 yaş müəyyən edilib.
65 yaşı tamam olan dövlət qulluqçusunun qulluq müddəti icra hakimiyyətinin müvafiq orqanılarının rəhbərləri tərəfindən hər dəfə bir ildən çox olmayaraq uzadıla bilər . Dövlət qulluğunda olmaq müddətinin uzadılmasına beş ildən artıq icazə verilmir.
Qeyd edək ki, Milli Məclisin bügünkü novbədənkənar iclasında ümumilikdə 24 məsələ müzakirəyə çıxarılıb
Bütün xəbərlər Facebook səhifəmizdə
USD
EUR
GBP
RUB
