Fazil Mustafa: "Seçkilərdə iştirak etməyən partiyaların fəaliyyətinin dayandırılması daha məqbuldur" - MÜNASİBƏT
Millət vəkili bildirib ki, təmsil etdiyi partiya bu məsələyə geniş, kompleks şəkildə baxılmasının tərəfdarıdır. "Partiyların yenidən qeydiyyatdan keçməsini heç də doğru hal kimi qəbul etmək olmaz. Hesab edirəm ki, "Siyasi partiyalar haqqında qanun"da ciddi diyişikliklər aparılmalıdır. Burada fəaliyətləri heç bir halda müşahidə olunmayan partiyaların fəaliyyətini dayandırma mexanizmi doğru tapılmalıdır", - deyən F.Mustafa seçkilərdə və ümumiyyətlə iki seçki prosesində iştirak etməyən partiyların fəaliyyətinin dayandırılması ilə bağlı konkret qərarın verilməsinin daha məqbul olduğunu dilə gətirib.
F.Mustafa partiyaların yenidən qeydiyyatdan keçmək məsələsinə münasibət bildirərkən qeyd edib ki, bu addımın atılması bir az yanlışlığa səbəb ola bilər. "Eyni zamanda belə bir addımın atılması öz növbəsində beynəlxalq təşkilatların iradlar irəli sürməsinə gətirib çıxarar. Sadəcə olaraq fəaliyyətsiz partiyaların fəaliyyətinin dayandırılmasına dair müvafiq madələr nəzərdə tutulması daha məqbul variantdır. Digər tərəfdən partiyaların ədalətli maliyyələşməsi həll olunarsa, həm parlament daxilində, həm də, parlamentdən kənarda cəmiyyət daxilində elektoratı, nüfuzu olan partiyaların maliyyələşmənin subyekti olması mümkündür. Ona görə də, qanun əgər dəyişdirilirsə, burada məhdudlaşdırıcı varianta getmək əslində ziyanlı bir addım olar. Burada da çox demokratikləşmə və partiyaların rolunun atırılması istiqamətində dəyişiklər edilməsi vacibdir", - deyə F.Mustaya əlavə edib.
Tapdıq
Bütün xəbərlər Facebook səhifəmizdə
USD
EUR
GBP
RUB