Sentyabrın 16-da Yeni Azərbaycan Partiyası (YAP) Şamaxı rayon təşkilatının X konfransı keçirilib.
Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.
Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarını qurban vermiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.
Hesabat məruzəsi ilə çıxış edən YAP Şamaxı rayon təşkilatının sədri Tural Qasımlı Yeni Azərbaycan Partiyasının yaradılmasının müasir müstəqil Azərbaycanın zəngin siyasi tarixinin ən mühüm səhifələrindən biri olduğunu söyləyib. Diqqətə çatdırıb ki, Yeni Azərbaycan Partiyası ölkəmizin hərtərəfli inkişafına mühüm töhfələr verir. O, həmçinin qeyd edib ki, rayon təşkilatı fəaliyyətini partiyanın VII Qurultayında qəbul edilmiş qərarlara, eləcə də Partiyanın Sədri İlham Əliyevin Qurultaydakı proqram xarakterli çıxışından irəli gələn tapşırıq və tövsiyələrə uyğun olaraq qurmuş, partiyanın Nizamnamə və Proqram tələbləri çərçivəsində üzərinə düşən vəzifələri layiqincə yerinə yetirməyə çalışmışdır. Ötən dövr ərzində rayon təşkilatı siyasi-ideoloji fəaliyyət istiqamətində işini daha da genişləndirərək təkmilləşdirmişdir.
Şamaxı Rayon İcra Hakimiyyətinin başçısı Tahir Məmmədov vurğulayıb ki, müasir, müstəqil Azərbaycanın inkişafı, tərəqqisi, tarixi uğurlar qazanaraq güclü və qüdrətli dövlətə çevrilməsi Ulu Öndər Heydər Əliyevin ideyaları əsasında və Prezident İlham Əliyevin rəhbərliyi ilə fəaliyyət göstərən Yeni Azərbaycan Partiyası ilə bilavasitə bağlıdır. Natiq vurğulayıb ki, Vətən müharibəsi və lokal xarakterli antiterror tədbirlərində qazanılmış tarixi zəfərlər sayəsində Azərbaycan yeni tarixi mərhələyə qədəm qoyub. Postmüharibə dövründə Qarabağ və Şərqi Zəngəzurun bərpası, keçmiş məcburi köçkünlərin doğma torpaqlarına qayıdışının təmin edilməsi, regionların sosial-iqtisadi inkişafının sürətləndirilməsi və ölkənin beynəlxalq mövqelərinin daha da möhkəmləndirilməsi qarşıda duran mühüm hədəflərdəndir.
YAP Gənclər Birliyinin üzvü, Milli Məclisin deputatı Səbinə Xasayeva deyib ki, YAP-ın siyasi dinamizmini təmin edən mühüm amillərdən biri uğurlu gənclər siyasətinin həyata keçirilməsidir. Yeni Azərbaycan Partiyası hər zaman fəaliyyətində gənclərə geniş imkanların yaradılmasına, onlarda milli şüurun, vətənpərvərlik ruhunun inkişafına xüsusi diqqət yetirib. Deputat qeyd edib ki, YAP Azərbaycanın davamlı, dayanıqlı və dinamik inkişafına ardıcıl töhfələr verməyi başlıca strateji vəzifə və fəaliyyət istiqaməti kimi müəyyənləşdirib. Həmçinin YAP-ın beynəlxalq əlaqələrinin yüksələn xətt üzrə inkişaf etməsi, ikitərəfli və çoxtərəfli əməkdaşlığın coğrafiyasının genişlənməsi siyasi önəm daşımaqla yanaşı ölkəmizin xarici əlaqələrinin daha da möhkəmlənməsinə əhəmiyyətli töhfədir.
Sonra Şamaxı rayon Ağsaqqallar Şurasının sədri Mayıl Alıcanov, ADPU Şamaxı filialının direktoru, partiya fəalı Tünzalə Yusifova, 26 saylı ərazi partiya təşkilatının sədri, Vətən Müharibəsi iştirakçısı Məhəmməd Məmmədov çıxış ediblər.
YAP Mərkəzi Aparatının Təşkilat şöbəsinin baş məsləhətçisi Xaqani Tağıyev rayon təşkilatının fəaliyyəti, ərazi partiya təşkilatları ilə işin səmərəli təşkili və partiya üzvlərinin ictimai fəallığının artırılması istiqamətində görülən işlərdən danışıb, əldə olunan nəticələrin əhəmiyyətini qeyd edib.
Konfransda YAP Şamaxı rayon təşkilatının hesabat dövründəki fəaliyyəti qənaətbəxş qiymətləndirilib və Yeni Azərbaycan Partiyasının VIII Qurultayına nümayəndələr seçilib.
Sonda Yeni Azərbaycan Partiyasının Himni səsləndirilib.
Bütün xəbərlər Facebook səhifəmizdə
.png)
USD
EUR
GBP
RUB
