.jpg)
"Zəngəzur dəhlizinin açılması Azərbaycanın strateji mövqeyinin güclənməsi baxımından mühüm əhəmiyyət kəsb edir". Bu sözləri SİA-ya açıqlamasında politoloq Polad Mehdiyev deyib.
Onun sözlərinə görə, bu dəhliz yalnız ölkəmizi regional nəqliyyat və ticarət şəbəkələrində daha aktiv iştirakçıya çevirmir, eyni zamanda enerji, logistika və iqtisadi inteqrasiyanın inkişafı üçün geniş imkanlar yaradır: "Dəhlizin fəaliyyəti ilə Azərbaycan Avropa və Asiya arasında etibarlı tranzit ölkəsinə çevrilir. Bu isə beynəlxalq yük daşımalarının optimallaşdırılmasına, nəqliyyat xərclərinin azaldılmasına və ölkəmizin ticarət potensialının artmasına səbəb olur. Eyni zamanda, Zəngəzur dəhlizi regional əməkdaşlıq üçün də mühüm platformadır, çünki qonşu ölkələrlə iqtisadi əlaqələrin möhkəmlənməsinə və siyasi dialoqun inkişafına imkan verir.
Strateji baxımdan, dəhlizin açılması Azərbaycanın təhlükəsizlik və geosiyasi maraqlarını da gücləndirir. Ölkəmiz Cənubi Qafqazda etibarlı tranzit mərkəzi kimi tanınaraq, həm regional balansın qorunmasına, həm də qlobal iqtisadi inteqrasiyaya töhfə verir. Nəticədə, Zəngəzur dəhlizi Azərbaycanın həm iqtisadi, həm də siyasi mövqelərini möhkəmləndirən, gələcək nəsillər üçün əhəmiyyətli layihədir".
Bütün xəbərlər Facebook səhifəmizdə
USD
EUR
GBP
RUB