Həm avqustun 30-u, həm də noyabrın 8-i müstəqilliyimiz uğrunda mübarizənin şərəfli qələbələrlə taclandığı günlərdir. Biz Azərbaycan və Ermənistan arasında sülhün əsas götürülməsinə yönəlmiş son nailiyyətləri alqışlayırıq. Cənubi Qafqazda sülh və firavanlıq üçün tarixi fürsət yaranıb.
SİA xəbər verir ki, bu sözləri Türkiyənin Azərbaycandakı səfiri Birol Akgün qardaş ölkənin Zəfər bayramı və Silahlı Qüvvələr Günü münasibətilə Bakıda keçirilən qəbulda söyləyib.
Birol Akgün qeyd edib ki, Türkiyə Azərbaycanın bu istiqamətdə atdığı bütün səyləri dəstəkləyəcək. O bildirib ki, ölkəsi sülh və sabitlik naminə təşəbbüskar mövqelərini qoruyaraq səylərini davam etdirir.
Səfir Azərbaycan və Ermənistan arasında əldə olunmuş sülh razılaşmalarını yüksək qiymətləndirərək alqışladıqlarını vurğulayıb. Əlavə edib ki, Vətən müharibəsinin Ali Baş Komandanı, qəhrəman Azərbaycan Ordusunun hər bir əsgəri və bu böyük Qələbənin qazanılmasında payı olan xalqımızın igid övladları daim hörmət və ehtiramla yad edilməlidir.
Bütün xəbərlər Facebook səhifəmizdə
USD
EUR
GBP
RUB