Ukrayna prezidentinin ofisi Vladimir Zelenskinin martın 8-də Türkiyəyə səfər edəcəyini və burada türkiyəli həmkarı Rəcəb Tayyib Ərdoğanla görüşəcəyini təsdiqləyib. Zelenskinin türk müdafiə şirkətlərinin nümayəndələri ilə də görüşü və Ukrayna Hərbi Dəniz Qüvvələrinə çatdırılmaq üçün korvetlərin tikildiyi gəmiqayırma zavoduna baş çəkməsi planlaşdırılır.
Vladimir Zelenski Türkiyə prezidenti ilə danışıqlarda özünün təklif etdiyi “sülh formulu”, taxıl müqaviləsi ilə bağlı vəziyyət və ərzaq sabitliyi, Qara dənizdə naviqasiya təhlükəsizliyi, habelə ukraynalı hərbi əsirlərin geri qaytarılması məsələsini müzakirə etmək niyyətindədir. Rusiya Prezidentin mətbuat xidmətindən verilən məlumata görə, Ukrayna və Türkiyə arasında hərbi-sənaye sahəsində birgə layihələrə xüsusi diqqət yetiriləcək.
Vladimir Zelenski Türkiyədə silah istehsalı ilə məşğul olan yerli şirkətlərin nümayəndələri ilə də görüşəcək. Bundan əlavə, o, Ukrayna Hərbi Dəniz Qüvvələri üçün korvetlərin tikintisinin aparıldığı gəmiqayırma zavodlarına baş çəkmək niyyətindədir. Zelenski sonuncu dəfə 2023-cü ilin iyulunda Türkiyəyə səfər edib. Sonra tərəflər pilotsuz təyyarələrin birgə istehsalının inkişafına dair memorandum imzalayıblar. 2024-cü ilin fevral ayında Türkiyənin Baykar müdafiə şirkəti Ukraynada Bayraktar TB2 və TB3 modellərinin İHA istehsal edəcək zavodun tikintisinə başladı.
Bütün xəbərlər Facebook səhifəmizdə
USD
EUR
GBP
RUB