Qırğızıstan Prezidenti Sadir Çaparov və Qazaxıstan Prezidenti Kasım Cömert Tokayev prezident Rəcəb Ərdoğanı yenidən prezident seçilməsi münasibətilə təbrik ediblər.
SİA xarici mətbuata istinadən xəbər verir ki, Prezident Rəcəb Tayyib Ərdoğana dünya liderlərindən təbrik mesajları gəlməkdə davam edir. Qırğızıstan Prezidenti Sadir Çaparov sosial media hesabından paylaşdığı mesajda “Əziz qardaşım Rəcəb Tayyib Ərdoğan, prezident seçkilərinin ikinci turunda qalib gəlməniz münasibətilə sizi səmimi qəlbdən təbrik edirəm” deyib. Türkiyə xalqının Ərdoğana yüksək etimad bəslədiyini, onun sosial-iqtisadi inkişafı və rifahının yüksəldilməsi istiqamətində apardığı siyasəti dəstəklədiyini bildirən Çaparov, “Türkiyə açıq, rəqabətli və demokratik seçkilərdə nümunə göstərdi” dedi. Çaparov qeyd edib ki, Qırğızıstan ilə Türkiyə arasında dostluq və qardaşlıq münasibətlərinin bundan sonra da strateji tərəfdaşlıq və müttəfiqlik şəraitində inkişaf edəcəyinə əmindir. Qazaxıstan Prezidenti Kasım Cömert Tokayev sosial media hesabından paylaşım edərək prezident Ərdoğanı prezident seçilməsi münasibətilə təbrik edərək, “Ölkələrimizi tarixi dostluq və həmrəylik bağları birləşdirir. Bu hərtərəfli əməkdaşlıq daha da inkişaf etdiriləcək”.
Bütün xəbərlər Facebook səhifəmizdə
USD
EUR
GBP
RUB