Türkiyədə səfərdə olan Yeni Azərbaycan Partiyasının (YAP) nümayəndə heyətinin üzvləri aprelin 15-də Ərzurum şəhərinin qədim bazarlarında ticarətçilərlə görüşüblər. SİA xəbər verir ki, görüş əsnasında türk ticarətçilər Azərbaycan və Türkiyənin qardaş dövlətlər olduğunu vurğulayıb, "Bir millət, iki dövlət" tezisini bir daha xatırladıblar.
Tarixi "Daş Mağazalar Caddesi”ni gəzən Azərbaycan nümayəndə heyətinin üzvləri ticarətçilərlə söhbətlərində ölkəmizin hər zaman qardaş Türkiyəyə dəstəyini vurğulayıb, Azərbaycanın və Türkiyənin tarixi qardaşlıq əlaqələrinə malik olduğunu bildiriblər.
Sonra nümayəndə heyətinin üzvləri "Habib Baba Türbe" küçəsində “Bakırcılar Çarşısı"nda olublar. Ticarətçilər onları yüksək qonaqpərvərliklə qarşılayıblar.
Azərbaycan nümayəndə heyətinin şəhər gəzintisinin son ünvanı Ərzurum şəhərinin qədim bazarlarının yerləşdiyi küçə olub.
Qeyd edək ki, Yeni Azərbaycan Partiyasının (YAP) İdarə Heyətinin üzvü, Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişilinin rəhbərlik etdiyi Azərbaycan nümayəndə heyətinə YAP İdarə Heyətinin üzvü, deputat Elşad Mirbəşiroğlu, deputatlar Kamilə Əliyeva, Anar Məmmədov və YAP Xətai rayon təşkilatının sədri Vüqar Rəhimzadə daxildir.
Bütün xəbərlər Facebook səhifəmizdə
USD
EUR
GBP
RUB