31 Mart - Azərbaycanlıların Soyqırımı Günü Gürcüstanın Marneuli şəhərində qeyd olunub.
SİA AZƏRTAC-a istinadən xəbər verir ki, anım mərasimi Gürcüstan Azərbaycanlılarının İnteqrasiya Mərkəzinin (GAİM) təşəbbüsü ilə Marneulidəki "Azərbaycan Evi"ndə təşkil olunub.
GAİM-in icraçı direktoru Murad Muradov tədbiri açdıqdan sonra soyqırımı qurbanlarının xatirəsi bir dəqiqəlik sükutla yad edilib.
Daha sonra azərbaycanlıların soyqırımı ilə bağlı sənədli film nümayiş olunub.
Sonra mərkəzin tarix müəlliməsi Nərgiz Nəbiyevanın moderatorluğu ilə tarixi hadisəyə həsr olunan interaktiv müzakirələr aparılıb. Müzakirələrdə ermənilərin azərbaycanlılara qarşı zaman-zaman həyata keçirdikləri terror və soyqırımları ilə bağlı tarixi sənədlərə əsaslanan fikirlər səslənib.
Bütün xəbərlər Facebook səhifəmizdə
USD
EUR
GBP
RUB