Mən bir güləm ,
Zəhmətimi çək mənim.
Bir çiçəyəm ,
Ətrimdən çək mənim.
Mən inciyəm,
Qırma məni solaram .
Çox incitmə ,
Tikanım var yolaram .
Qızılgüləm ,
Ətrim var, şəfam var.
Bənövşəyəm ,
Qəm qüssəm var, cəfam var,
Qərənfiləm ,
Bağrı qana dönmüşəm.
Şəhidlərin məzarında
Qəm qüssədən sönmüşəm.
Bir laləyəm ,
Dağlar yaşar sinəmdə .
Bir nərgizəm ,
Jaləm çoxdur, silməm də.
Mən çiçəyəm,
Ürəkləri bəzərəm.
Sevənlərin əllərində,
Dəstə-dəstə gəzərəm.
Mən bir güləm ,
Ətir saçım ellərə.
Bəzək olum ,
Sevilən könüllərə.
Mən çiçəyəm,
Çiçək kimi yaşaram.
Bəslə məni,.
Mən də səni oxşaram.
Tahirə Laçın
Bütün xəbərlər Facebook səhifəmizdə
USD
EUR
GBP
RUB
