Şübhəsiz ki, gələcək ana üçün ən çətin təcrübələrdən biri hamiləlikdir. Hamiləliyin ilk üç ayında baş verən uşaq tələfatının əksəriyyəti körpədəki genetik problemlərdən qaynaqlanır. SİA-nın Türkiyə mətbuatına istinadən verdiyi məlumata görə, həkim Pınar Kadiroğulları məsələyə münasibət bildirib.
Onun sözlərinə görə, uşaq gözləyən anaların axıntı, qanaxma, ağrı və istilik kimi şikayətləri varsa, dərhal həkimə müraciət etməlidirlər: “Hamiləliyin 20-ci həftəsindən əvvəl körpənin itirilməsinə uşaq düşməsi deyilir. Erkən hamiləliklə əlaqəli ən çox görülən ağırlaşmalardan biri olan abortların yüzdə 80-dən çoxu hamiləliyin ilk trimestrində baş verir. Hamiləliklərin yüzdə 15-25-də, yəni təxminən dörddə birində uşaq düşməsi görülür. Bu gələcək ana üçün son dərəcə travmatik və dağıdıcı bir təcrübədir”.
Həkim qeyd edib ki, düşüklərin çoxu körpənin genetik problemləri olduqda baş verir: “İnfeksiya, anada diabet və ya tiroid xəstəliyi kimi tibbi vəziyyətlər, hormon problemləri, immunitet sistemi reaksiyaları, anadakı fiziki problemlər və uşaqlıq anomaliyaları hamiləliyin sonlandırılmasına səbəb ola bilər. Şəkərli diabet və ya tiroid xəstəliyi olan çox abort etdirən 35 yaşdan yuxarı bir qadının hamiləliyinin sonlandırılması riski daha yüksəkdir”.
Bu simptomlardan biri varsa, həkiminizlə danışın
Uşaq düşməsinin ən əsas simptomu qanaxmadır: “Qarın sancısı, ağrı, yüngül və ya şiddətli bel ağrısı, çəki itkisi, halsızlıq və ya başgicəllənmə hissi, spazm və qızdırma kimi simptomlar bunun göstəricisidir. Qanaxma və yüngül narahatlıq abortdan sonra ümumi simptomlardır. Qızdırma və ya ağrınız varsa, həmçinin, qanaxma çoxdursa, dərhal həkiminizlə əlaqə saxlayın! "
Uşaq tələfatından sonra qadınların yüzdə 85-də, növbəti hamiləlik normal inkişaf edir
Pınar Kadiroğulları sözlərinə belə davam edib: “Əgər uşaqlıq boşdursa, uşaqlıqda uşaq və ya hissəsi qalmırsa, ümumiyyətlə, əlavə müalicə tələb olunmur. Bəzən uşaqlıq tamamilə boşaldılmır, buna görə abort edilir. Abortun alternativi olaraq, qalan hissələrin uşaqlıq yolundan atılmasına kömək edən bəzi dərmanlar verilə bilər. Hamiləlik testi, tələfatın irəliləməsini və hamiləliyin tamamilə kəsildiyini qiymətləndirmək üçün aparılır. Qanaxma dayandıqda, ümumiyyətlə gündəlik həyatınıza davam edə bilərsiniz. Qan uyğunsuzluğunuz varsa, həkiminiz sizə qan məhsulu verə bilər. Bir qadın ardıcıl olaraq iki dəfədən çox abort etdiribsə, qan testləri, genetik analizlər və ya dərmanlar lazım ola bilər”.
Ayşən Vəli
Bütün xəbərlər Facebook səhifəmizdə
USD
EUR
GBP
RUB
