Uşaqlar arasında ən çox rast gəlinən xəstəliklər hansılardır?
Azərbaycanda əhali, xüsusilə 13 yaşadək uşaqlar arasında göz və gözün əlavə aparatının xəstəliklərindən əziyyət çəkənlərin sayı çoxalıb. Trend-in məlumatına görə, ölkədə son 6 il ərzində 13 yaşadək uşaqlar arasında göz və gözün əlavə aparatının xəstəliklərinin sayı 1,5 dəfə artıb. 2010-ci ildə 13 yaşadək uşaqlar arasında bu xəstəlikdən əziyyət çəkənlərin sayı 17636 nəfər, 2015-ci ildə 24530 nəfər, 2016-cı ildə 26129 nəfər olub.
2010-cu ildə 13 yaşadək hər 10 000 nəfər uşağın 94,1 nəfəri, 2015-ci ildə 120,1 nəfəri, 2016-cı ildə 125,8 nəfəri bu xəstəlikdən əziyyət çəkib. Akademik Zərifə Əliyeva adına Milli Oftalmologiya Mərkəzinin Elmi təşkilati bölməsinin rəhbəri, tibb üzrə fəlsəfə doktoru Yazgül Abdiyeva da Trend-ə bildirib ki, əvvəllər yuxarı sinif şagirdlərində görünən bu problemə indi azyaşlı uşaqlarda da rast gəlinir.
Onun sözlərinə görə, son 10 ildə 13 yaşa qədər uşaqların göz və gözün əlavə aparatının xəstəlikləri ilə bağlı statistikada iki dəfəyə yaxın artım var. 2007-ci ildə ilk dəfə diaqnoz qoyulmuş xəstələrin sayı 15 402 olubsa, 2016-cı ilin statistikasında bu rəqəm 26 000-i keçib. 13 yaşa qədər uşaqların hər 10000 nəfərinə düşən göz və göz aparatı xəstəliklərindən əziyyət çəkənlərin sayı 2007-ci ildə 80 nəfər olubsa, 2016-cı ildə bu 125 nəfərdən çox olub.
Y.Abdiyevanın sözlərinə görə, əvvəllər tədqiqatçılar bunun əsas səbəbini uşaqların kompüter, telefon ekranına çox baxmaqlarında görürdülər. Ən son tədqiqatların nəticəsi isə onu göstərir ki, əsas səbəb uşaqların qapalı məkanlarda çox vaxt keçirməklə gözlərini təbii gün işığından məhrum etmələridir. Bunun da nəticəsində göz lazımi qida və vitamini almamış olur.
Y.Abdiyeva deyib ki, uşaqların gün ərzində dərs oxuması üçün yaxın məsafəyə çox baxması, dərsdən sonra televizor, kompüter, telefonlarla çox vaxt keçirməsi də gözlərdə problemin yaranmasına səbəb olur. Çünki yaxın məsafəyə baxmaq göz əzələlərinin spazmına, nəticədə isə görmə qabiliyyətinin zəifləməsinə gətirib çıxarır.
Mütəxəssis hesab edir ki, uşaqlarda göz problemlərinin olmaması üçün onların idmanla məşğul olmasına, açıq havada olmasına şərait yaradılmalı, onların düzgün qidalanmasına diqqət yetirilməlidir.
Y.Abdiyeva bildirib ki, məktəbəqədər dövrdə uşaqlar yaxıngörməyə səbəb olan kitab oxuma, məktəb tapşırıqlarına hazırlaşma kimi işlərlə məşğul olmadıqlarına görə onlarda gözün yüklənməsi daha az olur. Uşaq məktəbə getməyə başladığı zaman isə adətən, gözdəki proseslər mənfiliyə doğru dəyişməyə başlayır.
Həkim hesab edir ki, gündəlik altı-səkkiz saat dərslərlə məşğul olan məktəblidə görmə zəifliyinin əmələgəlmə riskini kompüter də bir yandan ciddi şəkildə artırır.
Y.Abdiyeva bildirib ki, yaxın görmə prosesləri - televizor, mobil telefon, planşet və kompüterlərə baxmaq göz xəstəliklərinin ciddi şəkildə artmasına səbəb olur. Məktəbəqədər dövrdə uşaqların gündəlik yarım saatla bir saat arasında kompüter, telefonla məşğul olmasına icazə verilirsə, məktəb dövründəki uşaqlar üçün bu müddət yarım saatdan çox olmamalıdır.
Mütəxəssis əlavə edib ki, ümimiyyətlə, uşaqlarda ilk göz müayinəsi ilk doğulan anda doğum otağında uşaq həkimi tərəfindən aparılmalıdır. Əgər şübhəli hal olarsa, uşaq dərhal göz həkimi tərəfindən tam müayinə olunmalıdır. Bir problem olmadıqda isə uşaqların göz müayinələri 1, 3, 5 və 7 yaşlarda aparılmalıdır:
"Hər uşağın gözüylə əlaqədar şikayətlərini ifadə etmədiyini, bəzi uşaqların bu cür problemlərini demədiklərini, bu vəziyyətin xüsusilə də, birinci və ikinci sinif uşaqlarında tez-tez görüldüyünü nəzərə alsaq, məktəbdə müəllimlərə də bir vəzifə düşür. Müəllimlər uşaqların göz müayinəsindən keçmələrinin lazım olması barədə uşaqları məlumatlandırmalıdırlar. Məktəblərdə uşaqların daha yaxşı işıqlandırılmış otaqlarda dərs keçmələrini təmin edilməli, müəllimlər uşaqların nəzərinə kitaba 30-35 sm məsafədən baxmalarının təmin edilməsinin göz sağlamlığı baxımından lazımlı olduğu diqqətə çatdırmalıdırlar".
Y.Abdiyeva uşaqlarda ən çox rast gəlinən göz xəstəliklərinin adlarını da açıqlayıb.
Onun sözlərinə görə, bunlar gözün qırpma qüsurları (miopiya, hipermetropiya və astiqmatizm), cəplik, göz tənbəlliyi, ptoz, iltihabi xəstəliklər, burun-göz yaşı kanalı tutulmaları, göz qapağında olan törəmələr və s., anadangəlmə katarakta və s.-dir. Uşaqlarda göz xəstəliklərinin əlamətləri, gözləri qıymaq, televizora yaxından baxmaq, cisimləri gözə yaxın tutmaq, çəplik, gözlərin qızarması, sulanması, göz qapaqlarının şişməsi, baş ağrısı və s.-dir.
Y.Abdiyeva əlavə edib ki, uşaqlar arasında ən çox rast gəlinən xəstəliklərdən biri olan miopiya uzağı görə bilməmə halıdır. Uzağı çətinliklə və qeyri-kafi görən uşaq öyrənmədə çətinlik çəkir. Bu, onda mətnin axıcı oxuması və tez dərk etməsinə maneə törədir, diqqət əskikliyi sindromu müşahidə edilir.
Yüksək hipermetropiya zamanı uşaqlarda göz tənbəlliyinə səbəb olma riski olur. Uşağa gözündəki qüsura uyğun olaraq, eynək taxmaqla müalicə edilə bilər. İki göz arasında göz qüsurunun çox olduğu zaman gözdə kontakt linza taxılması idealdır.
Eynək taxmağa səbəb olan astigmatizm genetik xüsusiyyət olaraq da özünü göstərə bilir. Bu göz xəstəliyi uzaq, yaxın və ya hər iki məsafədə olan görməyə təsir edə bilər. Xəstəliyin müalicəsi uyğun nömrədə eynək verilərək edilir:
"Gözdə ən çox rast gəlinən infeksiyalar soyuqdəymədən yaranır. İnfeksiyanın təməlində uşaqdakı allergik faktorlar və kirpikdibi iltihablar ola bilər. Allergiya ilə başlayan göz soyuqdəyməsi zamanı gözün əllə qaşınması bakteriya və virusların çoxalmasına səbəb olur. Gözdə illərlə davam edən allergiya zamanı soyuqdəymə səbəbindən "keratokonus" xəstəliyi də yarana bilər. Bu xəstəliyin əlamətləri gözdə batma, yanma, qaşıntı hissinin olması, göz sulanmasının olmasıdır. Xəstəliyin müalicəsi zamanı mikroba görə müalicənin edilməsi və allergik faktorların aradan qaldırılması lazımdır".
Y.Abdiyeva bildirib ki, gözdə itdirsəyi xəstəliyi əldən, dəsmaldan ya da hovuz suyundan mikroba yoluxmaqla meydana gələ bilər. Xəstəliyin əsas səbəblərdən biri kirpikdibi iltihabı vacib sayılmalıdır. Xəstəliyin əlamətləri göz qapaqlarında şişlik, ağrı ola bilər. Müalicəsində göz qapağı gigiyenasının təmini məqsədilə təmizləmə salfetlərindən, ilıq sarğı və antibiotik damcılardan istifadə edilir.
Bütün xəbərlər Facebook səhifəmizdə
Digər xəbərlər
Xəbər lenti
Günəş elektrik stansiyası üzrə hərrac komissiyasının ilk iclası
İqtisadiyyat 15:15Qətl törədən keçmiş məhkum tutuldu
Hadisə 15:07Tovuzda zəlzələ olub
Hadisə 14:40Asiya İnkişaf Bankı İlham Əliyevə müraciət edib
COP29 14:39Əhmədbəyli-Füzuli-Şuşa yolunun tikintisi davam etdirilir - FOTOLAR - VİDEO
İqtisadiyyat 14:21Xankəndi Şəhər Prokurorluğu yaradılıb - SƏRƏNCAM
Siyasət 14:17Neftçilərə mənzillər verildi - YENİLƏNİB
Sosial 13:58Səbaildə maşın oğurlayan şəxs saxlanılıb - FOTO
Hadisə 13:23Neftçilərə yeni mənzillər təqdim edilib - FOTOLAR
Sosial 13:20Millimiz Avropa Kubokunda bürünc medal qazanıb
İdman 12:57Baş nazir gələn həftə Türkiyəyə səfər edəcək
Siyasət 12:56Bazar gününə olan hava proqnozu
Hadisə 12:55Abşeronda gizli sex aşkarlanıb - FOTOLAR - VİDEO
Hadisə 12:54Sabunçuda köməkçi tikili yanıb
Hadisə 12:40Sumqayıtda ana övladları ilə itkin düşüb
Hadisə 12:04FHN -dən əhaliyə müraciət
Hadisə 11:33Qərbi Azərbaycan İcmasında hüquq komissiyası yaradılıb
Siyasət 11:32XRİTDX-dən istifadəçilərə xəbərdarlıq
Hadisə 11:30Bölgələrə yağış, Şahdağda isə qar yağıb
Hadisə 11:11Səfirlikdən Azərbaycan vətəndaşlarına müraciət
Siyasət 11:08Azərbaycan və Aİ arasında Orta Dəhlizin inkişafı məsələləri müzakirə edilib
İqtisadiyyat 11:07Ötən sutka 30 yanğına çıxış olub - FHN
Hadisə 10:51Azərbaycan nefti ucuzlaşıb
İqtisadiyyat 10:5059 qumbara və 33 avtomat tapılıb
Hadisə 10:48DYP-dən MÜRACİƏT
Hadisə 10:46Avtomobil 74 yaşlı kişini vuraraq öldürüb
Hadisə 10:19Dünya bazarlarında neftin qiyməti 83 dollardan aşağı düşüb
İqtisadiyyat 10:01Dünya fond bazarlarının əsas indeks göstəriciləri
İqtisadiyyat 09:35Türkiyə ordusunun hərbçisi şəhid olub
Dünya 09:34Aktrisa eşq iddialarını yalanladı
Şou-Biznes 08:40Günəşdə güclü partlayış oldu
Dünya 08:22Kristen Stüart yenidən vampir roluna qayıdır - FOTO
Şou-Biznes 07:01Bəzi “WhatsApp” istifadəçiləri bloklanacaqlar
Texnologiya 06:04Qəzzada ölən tibb işçilərinin sayı açıqlandı
Dünya 03:36Babək rayonunda Şəhidlər bulaq abidə kompleksi tikilir - FOTOLAR
İqtisadiyyat 01:57Heydər Əliyev Mərkəzində konsert - Puççiniyə ithaf
Mədəniyyət 00:55Dünyada ən çox satılan smartfonlar
Texnologiya 3 May 23:54Çin Aya "Chang'e 6" missiyasını uğurla həyata keçirdi
Texnologiya 3 May 23:44Orsk meri qışa qədər bəndi bərpa edəcəyinə söz verib
Dünya 3 May 23:35İtaliyada göbələkdən hazırlanmış dəri və parçaya alternativ hazırlanıb
Maraqlı 3 May 23:26Rusiya elektrik enerjisinin əsas alıcısı...
Dünya 3 May 23:13İvleeva Donbasa səfərindən danışıb...
Şou-Biznes 3 May 23:07Yaşar Gülər terrorla mübarizə əməliyyatlarını qiymətləndirib
Dünya 3 May 22:43Rusiya şəkər ixracını müvəqqəti dayandırıb
Dünya 3 May 22:34Basketbol Liqası: "Sərhədçi" seriyanı bərabərləşdirib
İdman 3 May 22:25Vaşinqtonda məktəb yaxınlığında silahlı insident olub
Dünya 3 May 22:15Vinisius ən yaxşı seçildi
İdman 3 May 22:07Özəl xəbərlər
Digər xəbərlərKonqresmenlərdən ABSURD YANAŞMA - TƏHLİL
Siyasət 3 May 17:04"Ulu Öndər bütün gücünü milli intibahımıza yönəltdi" - MÜNASİBƏT BİLDİRİLDİ
Siyasət 3 May 16:19Kökələ bilməyən insanlar kimlərdir? - MÜNASİBƏT BİLDİRİLDİ
Sosial 3 May 16:08Redaktorun seçimi
Köşə yazıları
Populyar
Valyuta məzənnəsi
- USD 1,7000 0,00%
- EUR 1,8246 0,00%
- GBP 2,1333 0,00%
- RUB 0,0185 0,00%