"Azərbaycan İİV-ə yoluxma səviyyəsi aşağı olan ölkələr sırasında 13-cüdür". SİA-nın xəbərinə görə, bunu Respublika QİÇS-lə Mübarizə Mərkəzinin direktor əvəzi Esmira Alməmmədova deyib.
O bildirb ki, 3593 ölkə vətəndaşından 2174-də İİV-ə yoluxma infeksion narkotik istifadəsi nəticəsində, 1016-da heteroseksual, 55-də anadan uşağa keçməklə, 35-də homoseksual kontakt nəticəsində, 1-də donor qanının köçürülməsi nəticəsində baş verib. 312 nəfərdə isə yoluxma yolu naməlumdur.
İİV-ə yoluxma ilə bağlı epidemiya hazırda konsentrik, təmərküzləşmiş mərhələdədir deyən E. Alməmmədova qeyd edib ki, Azərbaycanda İİV-ə yoluxanların 80% kişilərdir: "Lakin son vaxtlar qadınlar arasında da İİV-ə yoluxma halı artır. Eyni zamanda heteroseksual kontakt nəticəsində də İİV-ə yoluxma çoxalır. Adı çəkilən yoluxma yolları ümumi yoluxmaların 28% təşkil edir".
E. Alməmmədova deyib ki, ölkə üzrə İİV-ə yoluxanların 44 %-i 30-39, 23 %-i 40-49, 18 %-i 25-29, 2 %-i 0-14 yaşlı uşaqlardır. 15-18 yaş qrupu üzrə yalnız 12 nəfərdə yoluxma qeydə alınıb. Qeydiyyatda duran İİV-ə yoluxmuş insanların 960 nəfəri, yəni 27% Bakı və Abşeronunun, 72 % isə regionların payına düşür. Yoluxma sayına görə Şirvan, Hacıqabul, Astara, Lənkəran, Sumqayıt, Xızı və s. rayonlar çoxluq, Gəncə isə azlıq təşkil edir.
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB