Nazir müavini: “Yaşı 70-dən yuxarı olan işçilərin fəaliyyət göstərməsi üçün kriteriyalar müəyyənləşdirilir”-MÜNASİBƏT
"Hazırda səhiyyə sistemində 7100 nəfərə qədər yaşı 65-dən yuxarı səhiyyə işçisi var. Onlardan 1900-ü həkim, qalanları orta tibb işçisi və səhiyyə sahəsində çalışan işçilərdir". SİA-nın xəbərinə görə, bu barədə jurnalistlərə açıqlamasında səhiyyə nazirinin müavini Elsevər Ağayev məlumat verib. O bildirib ki, "Dövlət qulluğu haqqında" qanuna yaş məhdudiyyəti ilə bağlı edilən əlavə və dəyişikliklər barədə qanunun səhiyyə sistemində icrasına başlanıb. Onun sözlərinə görə, 70-dən yuxarı olan tibb işçilərinin fəaliyyət göstərməsi üçün lazım olan kriteriyalar artıq Səhiyyə Nazirliyi tərəfindən müəyyənləşdirilir.
"Yaxın zamanlarda nazirlik bununla bağlı təkliflərini Nazirlər Kabinetinə təqdim edəcək və təkliflər hökumət tərəfindən təsdiq olunacaq. 65-70 yaş arasında olan tibb işçilərinin fəaliyyət müddətlərinin uzadılması üçün bir limit var. Tibb müəssisələrində çalışanların 2 faizə qədəri və işçilərinin say həddi 100-dən aşağı olan tibb müəssisələrində 2 nəfərin işləmə müddətinin 1 il uzadılması mümkündür. Yaşı 70-dən yuxarı olan işçilərin fəaliyyət göstərməsi üçün isə kriteriyalar müəyyənləşdirilir. Həmin müddəalara görə, ucqar yerlərdə müəyyən ixtisaslar üzrə mütəxəssislərin olmadığı təqdirdə, Səhiyyə Nazirliyi tərəfindən təltif olunan, elmi dərəcəsi olan 70 yaşdan yuxarı həkimlərin iş fəaliyyətini davam etdirməsi mümkündür", - deyə nazir müavini əlavə edib.
Bütün xəbərlər Facebook səhifəmizdə
USD
EUR
GBP
RUB