Qlobal iqtisadiyyat II Dünya Müharibəsindən sonra ən böyük sınaqla üz-üzədir

Beynəlxalq Valyuta Fondunun direktoru Kristalina Georgiyeva bildirib ki, qlobal iqtisadiyyat İkinci Dünya Müharibəsindən (1939-1945) sonra ən böyük sınaqla üz-üzədir.

SİA-nın əldə etdiyi məlumata görə, İsveçrənin Davos qəsəbəsində keçirilən Dünya İqtisadi Forumunun əvvəlində çıxış edən BVF direktoru qlobal iqtisadi artımın ləngiməsi və inflyasiyanın artım tendensiyası arxasında yeni növ koronavirus (Covid-19) pandemiyasının, fevralın 24-də başlayan Rusiya-Ukrayna münaqişəsi və iqlim dəyişikliyinin birləşərək böyük fəlakət yarada biləcəyinə diqqət çəkib.

Qlobal iqtisadiyyatın İkinci Dünya Müharibəsindən sonra özünün ən böyük sınağı ilə üzləşdiyini deyən Kristalina Georgieva pandemiyanın üzərinə Ukraynadakı münaqişənin gəlməsilə böhrandan sonra böhranın başladığını, buna görə də insanların həyatının məhv olduğunu, inkişafın aşağı düşdüyünü və inflyasiyanın artdığını vurğulayıb.

Georgiyeva buna maliyyə bazarlarındakı kəskin dəyişkənliyin və davam edən iqlim dəyişikliyi təhlükəsi də əlavə edildikdə, bəşəriyyətin fəlakətlərin kəsişməsi potensialı ilə üz-üzə qaldığını qeyd edib.

Dünyada artan ərzaq və enerji qiymətlərinin ev təsərrüfatlarına mənfi təsir etdiyinə diqqət çəkən BVF direktoru böhranın yüksək borcu olan kövrək ölkələr üçün ciddi problemlər yaratdığını və bu ölkələrin borclarının restrukturizasiyası ehtiyacının gündəmə gətirərək, zəngin ölkələri ticarət maneələrini azaltmağa, borc problemi olan ölkələrə kömək etməyə və sərhədyanı ölkələri ödəmə sistemlərini təkmilləşdirməyə çağırıb.

Bütün xəbərlər Facebook səhifəmizdə