2020-ci ildə Azərbaycan Dövlət Neft Fondunun (SOFAZ) vəsaitlərinin həcmi 43,564 milyard dollara bərabər olub. Bu 2019-cu illə müqayisədə 241 milyon dollar və ya 0,6 faiz çoxdur.
SİA-nın məlumatına görə, bu barədə Nazirlər Kabinetinin 2020-ci ilə dair hesabatında bildirilib.
Manat hesabında Fondun vəsaitləri 409,7 milyon manat artaraq 73,489 milyard manat təşkil edib.
SOFAZ-ın neft-qaz müqavilələrinin reallaşdırılmasından gəlirləri 7,382 milyard manat, o cümlədən neft və qaz satışından 6,587 milyard manat, bonus ödəmələrindən 767,8 milyon manat, tranzit gəlirləri 20,4 milyon manat təşkil edib.
2020-ci ildə SOFAZ-ın büdcəsinin reallaşdırılması çərçivəsində dövlət büdcəsinə 12,2 milyon manat köçürülüb.
Bütün xəbərlər Facebook səhifəmizdə
USD
EUR
GBP
RUB