Cenevrə Beynəlxalq avtomobil sərgisi 2021-ci ildə koronavirus pandemiyası səbəbindən keçirilməyəcək.
SİA "İnterfaks" agentliyinə istinadən xəbər verir ki, bu qərarı sərginin təşkilatçıları qəbul ediblər.
Bildirilir ki, sərgi iştirakçılarının çoxu 2021-ci il şousunda iştirak etməyəcəklərini və 2022-ci ildə iştirak etmək istədiklərini açıqlayıblar. Şou 2021-ci ilin martında baş tutmalı idi.
Daha əvvəl cari ilin yazına planlaşdırılan sərgi də koronavirus ilə əlaqədar olaraq reallaşmayıb.
Xatırladaq ki, Cenevrə avtosərgisi hər il ən böyük dünya avtomobil markalarını təqdim edən dünyanın aparıcı şoularından biridir.
Bütün xəbərlər Facebook səhifəmizdə
USD
EUR
GBP
RUB