Azərbaycan qazının Avropaya nəqlini nəzərdə tutan Trans-Adriatik qaz boru kəmərinin (TAP) inşasına başlanılandan bəri işlərin 95,1 faizi yekunlaşıb. SİA xəbər verir ki, TAP konsorsiumundan verilən məlumata görə, bu, martın sonunda qeydə alınan göstəricidir.
Təbii qazın daşınmasına başlamaq üçün işlər cədvələ uyğun davam edir.
Qeyd edək ki, Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın ilkin olaraq ildə 10 mlrd. kubmetrinin Avropaya nəqli nəzərdə tutulur. Bu boru kəməri Yunanıstan, Albaniya və Adriatik dənizindən keçməklə İtaliyanın cənubuna qədər uzanacaq.
Azərbaycan qazının Avropaya 2020-ci ildə çatdırılacağı nəzərdə tutulur.
Müəllif: Nigar Məmmədova
Bütün xəbərlər Facebook səhifəmizdə
USD
EUR
GBP
RUB