Azərbaycan Respublikası Dövlət Neft Şirkətinin (ARDNŞ) "Azərkimya" İstehsalat Birliyinin 20-yə yaxın dəmiryol təmirçisinin səyi nəticəsində kimya müəssisələrini birləşdirən, xammalın və ixrac məhsullarının daşınması üçün istifadə olunan dalan dəmir yollarının 10 kilometr uzunluğunda hissəsi əsaslı təmir edilib. Şirkətin mətbuat xidmətindən SİA-ya verilən xəbərə görə, həmin hissədə uzun illər istismar nəticəsində çürümüş bütün şpallar və yararsız hala düşmüş relslər yeniləri ilə əvəz olunub. Təmirçilərin gərgin əməyi sayəsində Etilen-polietilen zavodunun 12-ci sexinin daxilində yeni yoldəyişdirici və məhəccər qoyulmaqla əlavə yol çəkilib, bununla da iki dalan dəmir yolunun birləşdirilməsi prosesi başa çatıb. "Azərikimya" İB-nin dalan dəmir yollarında görülən təmir-bərpa və sazlama işləri uğurla davam etdirilir. İşlər ARDNŞ rəhbərliyinin daimi nəzarətindədir. Material təchizatında Birliyə hər cür yardım göstərilir ki, bunun da nəticəsində boşdayanma hallarına yol verilmir, təmir işləri müasir tələblərə uyğun olaraq yüksək keyfiyyətlə görülür.
Bütün xəbərlər Facebook səhifəmizdə
USD
EUR
GBP
RUB