SOCAR neft ixtisasları üzrə təhsil alan tələbələrin yay tətillərinin səmərəli təşkilini, onların neft-qaz sənayesi üzrə təcrübi biliklərinin artırılmasını, habelə şirkətin müəssisələrində real iş şəraiti ilə yaxından tanış olmalarını diqqət mərkəzində saxlayır və bu məqsədlə 2010-cu ildən etibarən hər il Azərbaycan Respublikasının və xarici ölkələrin müxtəlif ali məktəblərində neft-qaz mühəndisliyi, qazma, geofizika, geologiya, istehsalatın avtomatlaşdırılması, kompüter, inşaat, ekologiya, neft-kimya və kimya mühəndisliyi, energetika, proqramçı və digər ixtisaslar üzrə təhsil alan, Azərbaycan vətəndaşı olan tələbələr üçün “Ödənişli Yay Təcrübəsi” proqramını həyata keçirir. SİA-nın məlumatına görə, proqramda bakalavr pilləsinin əyani şöbəsinin 3 və 4-cü, magistraturanın 1 və 2-ci kurslarında təhsil alan tələbələrin iştirak etməsi üçün imkanlar yaradılır.
Proqramın şərtlərinə əsasən, təcrübə müddətində tələbələrlə müvəqqəti əmək müqaviləsi bağlanılır və onlar minimal dərəcə ilə mütəxəssis vəzifəsinə işə qəbul olunurlar. Təcrübəçilərə işlədikləri müddətə və vəzifələrinə uyğun əmək haqqı ödənilir.
Bu məqsədlə hər il olduğu kimi bu il də mayın 8-də “Ödənişli Yay Təcrübəsi” proqramı üzrə müsabiqəyə start verilmiş və 799 tələbə proqrama müraciət etmişdir. Onlardan 227 nəfəri ilkin mərhələdə proqramın şərtlərinə uyğun olmadığı üçün müsabiqənin 1-ci turuna - test mərhələsinə buraxılmamışdır. Növbəti mərhələyə vəsiqə qazanan 572 tələbədən 47 nəfəri cari ildə SOCAR-ın Daxili Təqaüd Proqramının qalibi olduğu üçün şərtlərə əsasən birbaşa müsabiqənin qalibi elan edilmiş, digər 525 namizəd isə 21-22 iyun tarixlərində test imtahanlarında iştirak etmişlər. Test imtahanlarında məntiqi təfəkkürün yoxlanması üzrə 40 test tapşırığının cavablandırılmasına 60 dəqiqə vaxt ayrılmışdır. Test imtahanından müvəffəqiyyətlə keçmiş namizədlər müsabiqənin növbəti mərhələsində iştirak edəcəklər.
Bütün xəbərlər Facebook səhifəmizdə
.jpg "Faciəni törədənlər bəlli idi")
USD
EUR
GBP
RUB
