"Son zamanlarda bir çox internet istifadəçilərimiz, hətta texnologiyalardan uzaq olanlar da internet resurslara giriş üçün VPN texnologiyalar, anonim serverlər, anonim şəbəkələr və TOR brouzerlərlə maraqlanmağa başlayıblar". Bunu SİA-ya açıqlamasında "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz deyib
Onun sözlərinə görə, bu, qanunvericilikdəki son dəyişiklikdən sonra bəzi internet media resursların, xüsusilə də son günlərdə "WhatsApp" və "Skype" kimi resursların bloklanması ilə bağlıdır: "Bu tendensiya mənə "Skype" proqramının yaradılmasının kökündə duran ideyanı, daha doğrusu buna gətirib çıxaran mühiti xatırlatdı. "Skype" proqramının ideyasında internetə qoşulmuş kompüterlər arasında məlumatın, səsin ötürülməsi dayanırdı. Keçmiş sovet rəhbərliyi Baltikyanı ölkələrin universitetlərini o zaman üçün təhlükəli hesab olunan ictimai- siyasi elmlərdən uzaqlaşdırmaq üçün daha çox texnologiya tərəfə yönəltmişdilər. Onlar proqnozlaşdıra bilməyiblər ki, bu, onlara daha baha başa gələ bilər. Sovet rejimində telefon rabitəsi kifayət qədər mühafizəkar sistem olub. 
Hər üç Baltik ölkəsi sovet rejimi üçün həmişə başağrısı olub, onları nəzarətdə saxlamaq üçün həm də klassik telefon infrastrukturundan çox istifadə olunub. Güman ki, 2000 –ci ilin əvvələrində, az - çox texnoloji biliklərə yiyələnən, "Skype"ın proqram təminatını hazırlamış olan estoniyalı proqramçıların ağıllarına gəlib ki, necə etmək olar ki, telefon danışığını, səsin ötürülməsini daha sərbəst mühit olan internet üzərindən, uzaq məsafələrdə olan kompüterlər arasında həyata keçirmək mümkün olsun? Nəticədə məşhur "Skype" proqramı yaranıb. Odur ki, hər bir pisdə yaxşı axtararaq, düşünürəm ki, indiki anda bizdə həyata keçirilən bloklanma, bəlkə də gələcəkdə yaxşı ola bilər. Tənzimləyici qurum olan Rabitə və Yüksək Texnologiyalar Nazirliyi hələ də "WhatsApp" və "Skype"la bağlı məhdudiyyətlər haqqında rəsmi açıqlama verməyib".
Bütün xəbərlər Facebook səhifəmizdə
USD
EUR
GBP
RUB